Lineks 12 M N16 Kapsul

LİNEKS, kapsullar

LİNEKS tərkibi

LİNEKS tərkibi, hər kapsulda 1,2x10⁷-dən az olmayan canlı liofilizə olunmuş laktobakteriyalar (Lactobacillus acidophilus (sp. L. gasseri), Bifidobacterium infantis və Enterococcus faecium) vardır.

Lineks, istifadəsinə göstərişlər

Lineks diareya, meteorizm və bağırsaq mikroflorasının disbalansı (disbakterioz) nəticəsində yaranmış digər mədə-bağırsaq pozğunluqlarının profilaktikası üçün və köməkçi vasitə kimi istifadə edilir. Bu pozğunluqlar adətən aşağıdakı halların nəticəsidir: böyüklərdə, uşaqlarda və yenidoğulmuşlarda mədə-bağırsaq traktının virus və bakterial infeksiyaları (məsələn, rotavirus infeksiyası, səyahətçi diareyası); geniş spektrli antibiotiklərlə və kimya-terapevtik dərman vasitələri ilə müalicə; qarın boşluğunun və kiçik çanaq orqanlarının şüa müalicəsi.

Əks göstərişlər

Preparatın aktiv substansiyasına və ya digər komponentlərinə qarşı yüksək həssaslıq.

Hamiləlik və laktasiya dövründə istifadəsi

Hamiləlik və laktasiya dövründə Lineks preparatının istifadəsinin təhlükəsizliyinə dair kifayət qədər məlumat yoxdur. Bu səbəbdən, bu dövrlərdə istifadəsi məsləhət görülmür. Diareyanın müalicəsi həkim nəzarəti altında aparılmalıdır.

İstifadə qaydası və dozası

Yenidoğulmuşlar və 2 yaşa qədər uşaqlar: gündə 3 dəfə 1 kapsul. 2 yaşdan 12 yaşa qədər uşaqlar: gündə 3 dəfə 1–2 kapsul. Böyüklər və 12 yaşdan yuxarı uşaqlar: gündə 3 dəfə 2 kapsul. 6 yaşa qədər uşaqlarda diareyanı müalicə edərkən əvvəlcə həkimlə məsləhətləşmək lazımdır. Kapsulu uda bilməyənlər üçün kapsulun içindəkini maye və ya qida ilə qarışdıraraq qəbul etmək olar. Lineks yeməkdən sonra, ilıq maye ilə qəbul edilməlidir. İsti içkilərlə və alkoqolla birlikdə istifadə edilməməlidir. Simptomlar ləğv edilənə qədər istifadə edilir. 2 gün ərzində diareya keçməzsə, həkimə müraciət olunmalıdır.