Lineks Forte N14 Cap

Linex Forte, kapsullar

Linex Forte, beynəlxalq patentləşdirilməmiş adı: yoxdur

Linex Forte tərkibi

Təsiredici maddə: 1 kapsulda 60 mq canlı liofilizə olunmuş süd turşusu bakteriyaları: 1 x 10⁹ KƏV-dən az olmayaraq Lactobacillus acidophilus və 1 x 10⁹ KƏV-dən az olmayaraq Bifidobacterium animalis subsp. lactis.

İstifadəsinə göstərişlər

Lineks Forte böyüklərdə, yeniyetmələrdə və uşaqlarda aşağıdakı səbəblərdən yaranan diareyanın, qarında köp və digər mədə-bağırsaq pozulmalarının profilaktikası və dəstəkləyici müalicəsi üçün istifadə olunur:
– mədə-bağırsaq traktının virus və bakterial infeksiyaları,
– mikrobəleyhinə vasitələrlə müalicə (antibiotiklər və s.),
– qarın və çanaq orqanlarının şüa terapiyası nəticəsində yaranan pozuntular.

Əks göstərişlər

Təsiredici və ya köməkçi maddələrə qarşı hiperhəssaslıq; mədə-bağırsaq traktının obstruksiyası və perforasiyası və ya perforasiya riski.

Hamiləlik və laktasiya dövründə istifadəsi

Hamiləlik və laktasiya dövründə təyin olunan zaman heç bir arzuolunmaz təsir bildirilməmişdir. Lakin kəskin diareyanın müalicəsi zamanı ehtiyatla istifadə olunmalı, həkim nəzarəti altında aparılmalıdır.

Pediatriyada istifadəsi

1 yaşdan kiçik uşaqlarda istifadəsi tövsiyə edilmir. 6 yaşdan kiçik uşaqlarda diareyanın müalicəsi tibbi nəzarət altında aparılmalıdır.

Nəqliyyat vasitələrini və digər potensial təhlükəli mexanizmləri idarəetmə qabiliyyətinə təsiri

Lineks Forte-nin nəqliyyat vasitələrini idarəetmə qabiliyyətinə təsiri müşahidə olunmamışdır.

Linex Forte istifadə qaydası

Böyüklər və 12 yaşdan yuxarı yeniyetmələr: gündə 1-3 dəfə 1 kapsul.
2-12 yaş uşaqlar: gündə 1-2 dəfə 1 kapsul.
1-2 yaş uşaqlar: gündə 1 dəfə 1 kapsul.

Preparat yemək zamanı qəbul edilməlidir. Antibiotiklərlə birgə istifadə zamanı ən az 3 saat fasilə ilə qəbul edilməlidir. Kapsulu uda bilməyənlər, kapsulun içindəkini bir miqdar maye ilə qəbul edə bilərlər. Lineks Forte simptomlar yaxşılaşana qədər qəbul edilə bilər.