Lopermid 2 mq N20 tablet

Loperamid, tabletlər

Loperamid tərkibi

Təsiredici maddə:   1 tabletin tərkibində 0,002 q loperamid hidroxlorid vardır.  

Əks göstərişlər 

Loperamidin aşağıdakı hallarda istifadəsi əks göstərişdir: 
Preparatın təsiredici və ya hər hansı bir digər komponentinə qarşı yüksək həssaslıq (allergiya); 
12 yaşdan kiçik uşaqlarda istifadəsi; 
nəcisdə qan və bədən hərarətinin yüksəlməsi ilə xarakterizə olunan kəskin dizenteriya; 
geniş spektrli antibiotiklərin istifadəsi ilə əlaqəli kəskin xoralı kolit və ya psevdomembranoz kolit; 
Salmonella, Shigella və Campylobacter mikroorqanizmlərinin törətdiyi bakterial enterokoliti; 
bağırsaq keçməzliyi, yoğun bağırsağın genişlənməsi və ya yoğun bağırsağın toksik genişlənməsi kimi hallarda, ciddi ağırlaşmalar təhlükəsi səbəbindən loperamid ümumiyyətlə istifadə edilməməlidir. Bağırsaq keçməzliyi və ya qəbizlik olduqda və ya meteorizm inkişaf etdikdə, loperamidin istifadəsi dərhal dayandırılmalıdır.

Hamiləlik və laktasiya dövründə istifadəsi  

Hamiləlik dövründə preparatın qəbulu tövsiyə edilmir.  
Hamiləlik və laktasiya dövründə müvafiq alternativ müalicə üçün həkimə müraciət edilməlidir.

İstifadə qaydası və dozası 

Loperamid maye və elektrolit səviyyəsinin azalması ilə müşayiət olunan kəskin ishalın ilkin müalicəsində istifadə edilmir. Belə hallarda xüsusilə uşaqlarda parenteral və ya oral əvəzedici terapiyanın tətbiqi uyğundur. 
Böyüklər və 12 yaşdan yuxarı uşaqlarda kəskin ishalın simptomatik müalicəsi. 
Başlanğıc doza – 2 tablet (4 mq), daha sonra hər defekasiya aktından sonra – 1 tablet (2 mq) qəbul edilir. Sadə doza gündə 3-4 tablet (6-8 mq) təşkil edir. Kəskin ishal üçün maksimum gündəlik doza 6 tabletdən (12 mq) çox olmamalıdır. 
Böyüklərdə və 18 yaşdan yuxarı şəxslərdə qıcıqlanmış bağırsaq sindromu ilə yanaşı müşahidə olunan kəskin ishalın simptomatik müalicəsi 
Başlanğıcda 2 kapsul (4 mq) və hər defekasiya aktından sonra 1 tablet (2 mq), və ya həkimin təyinatına uyğun qəbul edilir. Gündəlik maksimal doza 6 tablet (12 mq) çox olmamalıdır.  
48 saat davam edən kəskin ishal zamanı klinik yaxşılaşma müşahidə olunmazsa, loperamid hidroxlorid qəbulu dayandırılmalı və həkimə müraciət edilməlidir. 
Yaşlılar 
Yaşlı xəstələr üçün dozanın tənzimlənməsi tələb olunmur. 
Böyrək çatışmazlığı 
Böyrək funksiyası pozulmuş xəstələr üçün dozanın tənzimlənməsi tələb olunmur. 
Qaraciyər çatışmazlığı 
Qaraciyər çatışmazlığı olan pasiyentlərdə istifadəsinə dair farmakokinetik məlumatlar olmasa da, belə xəstələrdə metabolizmin ilkin keçidinin gecikməsini nəzərə alaraq, preparat ehtiyatla qəbul edilməlidir. 
Uşaqlar 
12 yaşa qədər uşaqlara loperamidin istifadəsi əks göstərişdir.