MESAFOLK 4GR 60ML N7 REKTAL SUSP

Mesafolk, rektal suspenziya 

Mesafolk tərkibi

Təsiredici maddə:   60 ml suspenziyanın tərkibində 4 q mesalazin vardır. 

Əks göstərişlər 

Mesafolk  preparatının istifadəsi aşağıdakı hallarda əks göstərişdir: 
• böyrək və qaraciyər funksiyasının ağır pozğunluqları. 
• təsiredici maddəyə, salisilatlara və ya preparatın tərkibindəki hər hansı köməkçi maddəyə 
qarşı yüksək həssaslıq.

Hamiləlik və laktasiya dövründə istifadəsi 

Ümumi tövsiyə 
Hamiləlik kateqoriyası B. 
Doğuş potensialı olan qadınlar/Kontrasepsiya 
Mesalazinin doğuş potensialı olan qadınlara və ya kontrasepsiya üçün istifadə hər hansı dərman 
vasitəsinə heç bir təsiri yoxdur. 
Hamiləlik 
Hamilə qadınlarda Mesafolk in istifadəsi ilə bağlı kifayət qədər məlumat yoxdur. Ancaq məhdud 
sayda məlumatlar mesalazinin hamiləliyə və ya dölün/yenidoğulmuşların sağlamlığına heç bir 
arzuolunmaz təsir etmədiyini göstərir. Bu günə qədər bilinən hər hansı digər epidemioloji məlumat yoxdur. 
Hamiləlik dövründə yüksək dozada mesalazinin (2-4q, oral yolla) uzun müddət istifadə 
edilməsindən sonra, yenidoğulan körpədə böyrək çatışmazlığı bildirilmişdir. 
Oral yolla mesalazin istifadə olunan heyvan tədqiqatlarında, mesalazin hamiləliyə, 
embrionun/dölün inkişafına, doğuş və doğuşdan sonrakı inkişafa birbaşa və ya dolayı zərərli təsir 
göstərməmişdir. Mesafolk  preparatı hamiləlik dövründə yalnız potensial fayda mümkün riskdən yüksək olduğu hallarda  istifadə oluna bilər. 

Laktasiya 
N-asetil-5-aminosalisil turşusu və daha az dərəcədə mesalazin ana südü ilə xaric olunur. 
İndiyədək qadınlarda laktasiya dövrü ilə bağlı məhdud təcrübə mövcuddur. İshal kimi yüksək 
həssaslıq reaksiyalarını istisna etmək olmaz. 
Bu səbəbdən Mesafolk  preparatı, yalnız potensial fayda mümkün riskdən yüksək olduqda ana südü ilə qidalanma zamanı istifadə edilə  bilər. 
Yenidoğulmuş körpədə ishal inkişaf edərsə, ana südü ilə qidalandırma dayandırılmalıdır. 

İstifadə qaydası və dozası 

Dozalanması 
Böyüklər 
Başqa cür tövsiyə edilmədikdə, 1 flakon rektal suspenziya (60 q suspenziya) yatmazdan əvvəl 
bağırsağa birdəfəlik yeridilir. 
Daha yaxşı nəticə almaq üçün Mesafolk  preparatı istifadə edilməzdən əvvəl bağırsaqları boşaltmaq tövsiyə edilir. Mesafolk  preparatı müntəzəm və davamlı istifadə olunmalıdır, çünki müvəffəqiyyətli bir sağalma yalnız bu şəkildə əldə edilə bilər. 

İstifadə qaydası 
Hazırlanması 
• Flakonu 30 saniyə çalxalayın. 
• Qoruyucu qapağı çıxarın. 
• Flakonu yuxarı və aşağı hissədən tutun.                                                                                            

 İstifadə üçün doğru vəziyyət 
• Sol ayağı uzanmış və sağ ayağı əyilmiş vəziyyətdə rahat şəkildə sol tərəfdə uzanın. 
Bu mövqe ilə Mesafolk  preparatının tətbiqi daha asan və daha effektivdir. 

İstifadə yolu 
• azacıq əyilmiş şəkildə tutaraq düz bağırsağa dərinə yeridin. 
• Flakon boşalana qədər yavaşca sıxın. 
• Aplikatoru yavaşca düz bağırsaqdan çıxardın. 
• Suspenziyanın tərkibinin yayılması üçün ən az 30 dəqiqə sol tərəf üzərində uzanın. 
• Əgər mümkündürsə, bütün gecə imaləni saxlayın.

Xüsusi populyasiya üçün əlavə məlumat 
Böyrək və qaraciyər çatışmazlığı 
Qaraciyər funksiyası pozulmuş xəstələrdə ehtiyatlı olmaq tövsiyə olunur. 
Mesalazin böyrək funksiyası pozulmuş xəstələrdə istifadə edilməməlidir. 
Müalicə zamanı böyrək funksiyası pisləşərsə, mesalazinin törətdiyi böyrək toksikliyi nəzərə 
alınmalıdır. 
Ağır böyrək və qaraciyər çatışmazlığı olan xəstələrdə preparatın istifadəsi əks göstərişdir. 
Pediatrik populyasiya 
Mesalazinin pediatrik pasiyentlərə təsiri haqqında çox az təcrübə və məhdud sayda məlumat vardır.