Mezim Forte 10000 Bv N20 Tablet

MEZİM FORTE 10000, bağırsaqda həll olan tabletlər

MEZİM FORTE 10000 tərkibi

MEZİM FORTE 10000 tərkibi, 1 bağırsaqda həll olan tabletin tərkibində donuzun mədəaltı vəzisindən alınan 80,000–111,111 mq toz vardır: Minimal lipolitik aktivlik – 10 000 TV Ph. Eur., amilolitik – 7 500 TV Ph. Eur., proteolitik – 375 TV Ph. Eur.

Mezim Forte, istifadəsinə göstərişlər

Mədəaltı vəzidə hasil edilən həzm fermentlərinin çatışmazlığı nəticəsində baş verən həzm pozğunluqları: xroniki pankreatit, mukovissidoz, öd daşları, qaraciyər və öd kisəsi funksiyasının pozulması, mədə və bağırsaq üzərində aparılan cərrahi müdaxilələrdən sonra, dispepsiya, seliakiya, şəkərli diabet, bağırsağın iltihabi xəstəlikləri (xüsusilə Kron xəstəliyi), QİÇS, Şvaxman və Şeqren sindromu.

Əks göstərişlər

Donuz mədəaltı vəzisi tozuna, donuz ətinə, azorubin (E 122) və ya digər komponentlərə qarşı allergiya, kəskin pankreatit və ya kəskin mərhələdə xroniki pankreatitin ağırlaşması.

Hamiləlik və laktasiya dövründə istifadəsi

Hamiləlik və laktasiya dövründə istifadədən əvvəl həkimlə məsləhətləşmək lazımdır. İnsanlarda istifadəyə dair kifayət qədər məlumat yoxdur. Yalnız həkim tərəfindən vacib hesab edildikdə istifadə edilməlidir.

İstifadə qaydası və dozası

Hər qida qəbulu zamanı 2–4 tablet daxilə qəbul edilir. Doza həzm pozğunluqlarının ağırlığından asılı olaraq təyin edilir. Sutkalıq lipaza dozası bədən çəkisinin hər kq-na 15 000–20 000 TV-dən artıq olmamalıdır. Uşaqlarda dozanı həkim təyin edir. Tabletlər qida ilə birlikdə, çoxlu maye ilə bütöv şəkildə qəbul edilməlidir.