Mikoflu 1000 mq 50 ml susp

MİKOFLU, daxilə qəbul edilən suspenziya hazırlamaq üçün toz

Mikoflu tərkibi

 Təsiredici maddə:   1 ml hazır suspenziyanın tərkibində 100 000 TV nistatin vardır. Köməkçi maddələr: Avisel CL 611 (mikrokristallik sellüloza və natrium  karboksimetilsellülozadan ibarətdir), natrium metil parahidroksibenzoat  (E219), natrium propilparahidroksibenzoat (E217), susuz limon turşusu,              natrium benzoat (E211), mikrokristallik sellüloza PH 105, kroskarmelloza  natrium, natrium saxarin, saxaroza, povidon (PVP K30), kolloidal susuz  silisium dioksid (Aerosil 200), banan dadvericisi.

İstifadəsinə göstərişlər:

 Ağız boşluğunun kandidozu.

Əks göstərişlər:

 Mikoflu daxilə qəbul edilən suspenziya hazırlamaq üçün tozun tərkibindəki maddələrdən hər hansı birinə qarşı hiperhəssaslıq.

Hamiləlik və laktasiya dövründə istifadəsi:

 Hamiləlikdə istifadə kateqoriyası C-dir. Hamiləlik və laktasiya dövründə nistatinlə müalicə zamanı hər hansı arzuolunmaz reaksiya və ya ağırlaşma baş verməmişdir. Əlavə təsirlər meydana çıxdıqda preparatın qəbulunu dayandırmaq lazımdır. Hamiləlik, eləcə də laktasiya zamanı istifadəsi, ana üçün potensial fayda, döl üçün isə potensial riski üstələyən hallarda arzuolunandır.

Mikoflu istifadə qaydası, dozası

 Yenidoğulmuş uşaqlar: Gündə 4 dəfə 2 ml (200 000 TV nistatin) qəbul olunur. 2 ml suspenziya bərabər səviyyədə bütün ağız boşluğuna yaxılır. Vaxtından əvvəl doğulmuş və ya zəif doğulmuş uşaqlarda gündə 4 dəfə 1 ml olmaq şərtilə effektli olduğu göstərilmişdir. Uşaqlar və böyüklər: Gündə 4 dəfə 4-6 ml (400 000-600 000 TV) qəbul olunur və bərabər səviyyədə ağız boşluğuna yaxılır. Dərmanın ağızda uzun müddət udulmadan saxlanılması tövsiyə olunur. Mikoflu® daxilə qəbul edilən suspenziya ilə müalicə ağız boşluğu simptomları keçdikdən və kultura nəticələri normallaşdıqdan sonra ən azı 48 saat davam etdirilməlidir. Suspenziyanın hazırlanması: flakona üzərindəki işarələnmiş xəttin yarısına (1/2 hissəsinə) qədər qaynadılıb, soyudulmuş su əlavə edilir və çalxalanır. Daha sonra xəttə qədər qaynadılmış və daha sonra soyudulmuş su əlavə edilir. Flakonun qapağı bağlandıqdan sonra bir neçə dəqiqə, 20 saniyəlik fasilə ilə çalxalanır və istifadə olunur. Hazırlanmış Mikoflu® daxilə qəbul edilən suspenziya, qapağı kip bağlı flakonda, işıqdan qorunaraq, soyuducuda saxlanılır və 10 gün müddətində istifadə oluna bilər. İstifadə olunmayan hissəsi 10 gündən sonra atılmalıdır