Montel 10 Mg N28 Tablet

Montel, 10 mq örtüklü tabletlər

Montel, beynəlxalq patentləşdirilməmiş adı: Montelukast

Montel tərkibi

Təsiredici maddə: 1 tabletin tərkibində 10 mq montelukast (10,4 mq montelukast natrium) vardır.

İstifadəsinə göstərişlər

Montel, 15 yaş və yuxarı pasiyentlərdə davamlı (persistəedici) astmanın müalicəsi, fiziki yüklənmə ilə əlaqədar bronxospazmın profilaktikası, aspirinə qarşı yüksək həssaslığı olan astmalı pasiyentlərdə simptomların yüngülləşdirilməsi, mövsümi və ilboyu allergik rinit simptomlarının aradan qaldırılması, həmçinin xroniki idiopatik övrə zamanı istifadə olunur.

Əks göstərişlər

Preparatın hər hansı komponentinə qarşı hiperhəssaslıq.

Hamiləlik və laktasiya dövründə istifadəsi

Montel yalnız mütləq göstəriş olduqda istifadə olunmalıdır. Heyvanlarda aparılmış tədqiqatlarda mənfi təsir müşahidə edilməmişdir. İnsanlarda kifayət qədər məlumat yoxdur. Laktasiya dövründə də yalnız zərurət olduqda istifadə olunmalıdır. Montelukastın südə keçməsi siçanlarda göstərilmişdir. İnsanlarda isə bu barədə məlumat yoxdur.

Pediatriyada istifadəsi

Montel 10 mq 15 yaş və yuxarı pasiyentlərdə istifadə üçün nəzərdə tutulmuşdur. 14 yaşdan kiçik uşaqlarda bu formanın istifadəsi tövsiyə olunmur.

Nəqliyyat vasitələrini və digər potensial təhlükəli mexanizmləri idarəetmə qabiliyyətinə təsiri

Montelukast adətən nəqliyyat vasitələrini idarəetmə və mexanizmlərlə işləməyə təsir etmir. Lakin nadir hallarda başgicəllənmə və yuxululuq müşahidə oluna bilər.

Montel istifadə qaydası

15 yaş və yuxarı pasiyentlərdə gündə 1 dəfə 10 mq qəbul olunur. Astma və allergik rinit olduqda tabletlər axşam qəbul edilir. Qəbul müddəti xəstənin klinik vəziyyətinə əsasən fərdi şəkildə müəyyən olunur. Preparat acqarına və ya yeməkdən sonra qəbul edilə bilər. Dozaya düzəliş böyrək çatışmazlığı və yüngül-orta qaraciyər çatışmazlığı olan pasiyentlər üçün tələb olunmur. Ağır qaraciyər çatışmazlığı hallarında istifadəyə dair məlumat yoxdur.