Niksar 20 Mq N30 Tablet

NİKSAR, 20 mq örtüklü tabletlər

Niksar, beynəlxalq patentləşdirilməmiş adı: Bilastin.

NİKSAR tərkibi

Təsiredici maddə: 1 tabletin tərkibində 20 mq bilastin vardır.

NİKSAR, istifadəsinə göstərişlər

Ot qızdırmasının (pollinozun) və allergik rinitin digər formalarının simptomlarını (asqırma, qaşınma, zökəm, burnun tutulması, gözlərin qızarması və sulanması) yüngülləşdirmək üçün istifadə edilir.
Qaşınma ilə müşayiət olunan dəri səpgilərinin (urtikar səpgi və ya övrə) müalicəsi üçün istifadə edilir.

Əks göstərişlər

Bilastinə və ya bu preparatın hər hansı digər komponentinə qarşı allergiya.

Hamiləlik və laktasiya dövründə istifadəsi

Bilastinin hamiləlik və laktasiya dövrlərində istifadəsinə dair məlumatlar yoxdur və ya məhduddur. Yalnız fayda/risk nisbətinə əsasən istifadə olunmalıdır.

NİKSAR, istifadə qaydası

Böyüklər və 12 yaşdan yuxarı yeniyetmələr: gündə bir dəfə 1 tablet (20 mq).
Qida və meyvə şirələri ilə birlikdə qəbul edilməməlidir – yeməkdən 1 saat əvvəl və ya 2 saat sonra qəbul olunmalıdır.
Tablet bir stəkan su ilə udulur.

Əlavə təsirləri

Böyüklərdə və yeniyetmələrdə:
Tez-tez: baş ağrısı, yuxululuq
Bəzən: başgicəllənmə, mədə ağrısı, ürəkbulanma, ishal, yorğunluq, qaraciyər funksiyasının dəyişiklikləri, iştahanın artması, çəki artımı, aritmiya, susuzluq, ağız quruluğu, həyəcan, qastrit, vertiqo, təngnəfəslik, qaşınma, herpes, yuxu pozğunluğu, səpgi, tinnitus, temperaturun yüksəlməsi
Naməlum tezlikdə: taxikardiya, qusma

Uşaqlarda:
Tez-tez: rinit, allergik konyunktivit, baş ağrısı, mədə ağrısı
Bəzən: göz qıcıqlanması, başgicəllənmə, huşun itməsi, ishal, ürəkbulanma, dodaqların şişməsi, ekzema, övrə, yorğunluq