Omeprazol 20 Mq Cap Tablet

OMEPRAZOL, 20 mq kapsullar

OMEPRAZOL tərkibi

OMEPRAZOL tərkibi, 1 kapsulda 20 mq omeprazol (8,5 % omeprazol qranul şəklində) vardır

Omeprazol, istifadəsinə göstərişlər

Böyüklər: mədə və onikibarmaq bağırsağın xora xəstəliyi, Helicobacter pylori infeksiyasının eradikasion terapiyası, reflüks-özofaqit, qastroözofaqeal reflüks, Zollinger-Ellison sindromu, QSİƏP-ın səbəb olduğu xoralar. Uşaqlar: reflüks-özofaqit, qastroözofaqeal reflüks simptomatik müalicəsi, Helicobacter pylori infeksiyasına qarşı kompleks terapiya.

Əks göstərişlər

Omeprazola və ya köməkçi maddələrə qarşı yüksək həssaslıq, 1 yaşa qədər uşaqlar (10 kq-dan az bədən çəkisi), nelfinavir preparatları ilə eyni vaxtda istifadəsi.

Hamiləlik və laktasiya dövründə istifadəsi

Omeprazol hamiləliyə və dölə mənfi təsir göstərmir, lakin fayda/risk nisbəti nəzərə alınmalıdır. Ana südünə keçsə də, körpəyə təsir göstərmir.

İstifadə qaydası və dozası

Kapsullar səhər yeməkdən əvvəl bütöv udulur. Udma problemi olan pasiyentlərdə kapsulun möhtəviyyatı turşulu maye ilə qarışdırılaraq qəbul edilə bilər. Böyüklər üçün doza: 20–40 mq/gün (xəstəliyə uyğun olaraq 2–8 həftə). Helicobacter pylori üçün üçlü terapiyada: 20 mq gündə 2 dəfə 1 həftə. Zollinger-Ellison sindromunda başlanğıc doza 60 mq/gün, maksimum 120 mq/gün. Uşaqlar üçün: bədən çəkisinə və yaşa uyğun 10–40 mq/gün. 65 yaşdan yuxarı və ya böyrək funksiyası pozulmuş pasiyentlərdə dozaya düzəliş tələb olunmur. Qaraciyər pozulması zamanı maksimum doza 10–20 mq/gün.