Pirantel 250 Mq N3 Tabet

Pirantel, 250 mq tabletlər

Pirantel tərkibi

Pirantel tərkibi, 1 tabletin tərkibində 250 mq pirantel (720 mq pirantel embonat şəklində) vardır. Köməkçi maddələr: etilsellüloza, povidon, susuz kolloidal silisium dioksid, maqnezium stearat, portağal aromatizatoru, kartof nişastası.

Pirantel, istifadəsinə göstərişlər

• Askaridoz (Ascaris lumbricoides)
• Enterobioz (Enterobius vermicularis)
• Onikibarmaq bağırsağın ankilostomidozla (Ancylostoma duodenale) və nekatorozla (Necator americanus) invaziyası.

Əks göstərişlər

• Preparatın təsiredici maddəsinə və köməkçi maddələrindən hər hansı birinə qarşı yüksək həssaslıq.
• Piperazinlə eyni zamanda istifadə.
• Miasteniyanın müalicəsi zamanı istifadə.
• 6 yaşdan aşağı uşaqlarda istifadəsi.

Hamiləlik və laktasiya dövründə istifadəsi

Əgər pasiyent qadın hamilədirsə və ya südəmər uşağı varsa, əgər hamilə olmağına şübhəsi varsa və ya hamilə qalmağı planlaşdırırsa, o, bu preparatı istifadə etməyə başlamazdan əvvəl həkimlə məsləhətləşməlidir.
Hamiləlik: Heyvanlar üzərində aparılan tədqiqatlarda pirantel embonatın dölə zərərli təsiri aşkar edilməmişdir. Lakin, pirantel embonatın hamilə qadınlarda istifadəsinə dair nəzarət olunan klinik tədqiqatların aparılmaması ilə əlaqədar olaraq, ana üçün gözlənilən faydanın döl üçün potensial riskdən üstün olduğu hallar istisna olmaqla, bu preparatın hamiləlik dövründə istifadəsi tövsiyə olunmur.
Laktasiya: Pirantel embonatın ana südünə nüfuz etməsinə dair heç bir tədqiqat aparılmamışdır. Bununla əlaqədar olaraq, südəmər uşağı olan qadınlarda pirantelin istifadə edilməsi tövsiyə olunmur. Əgər müalicə zəruri olarsa, o zaman ana südü ilə qidalandırma dayandırılmalıdır.

Pirantel, istifadə qaydası

Pirantel preparatını həkimin tövsiyələrinə əməl etməklə qəbul etmək lazımdır. Nəyəsə şübhə yaranarsa, həkimlə məsləhətləşmək lazımdır. Preparat yemək zamanı və ya yeməkdən sonra su ilə içilərək qəbul edilir. Tableti qəbul etməzdən əvvəl onu yaxşı çeynəmək və ya əzərək qəbul etmək lazımdır.