Pirantel 50 mq 15 ml suspenziya

Pirantel, 250 mq/5 ml peroral istifadə üçün suspenziya

Pirantel tərkibi

Pirantel tərkibi, 5 ml suspenziyanın tərkibində 250 mq pirantel (pirantel embonat şəklində) vardır. Köməkçi maddələr: natrium benzoat, karboksimetilsellülozanın natrium duzu, sorbitol 70%, qliserin, alüminium maqnezium silikat, polisorbat 80, povidon, simetikon emulsiya, limon turşusu monohidrat, natrium hidroksid, ərik dadlandırıcısı, təmizlənmiş su.

Pirantel, istifadəsinə göstərişlər

• Uşaqlarda və böyüklərdə Enterobius vermicularis və Ascaris lumbricoides tərəfindən törədilən enterobioz və askaridoz.
• Ancylostoma duodenale və Necator americanus invaziyaları.

Əks göstərişlər

• Təsiredici maddəyə və ya köməkçi maddələrdən hər hansı birinə qarşı yüksək həssaslıq.
• Piperazinlə eyni zamanda istifadə.
• Miasteniyanın müalicəsi zamanı istifadə.

Hamiləlik və laktasiya dövründə istifadəsi

Əgər pasiyent qadın hamilədirsə və ya südəmər uşağı varsa, əgər hamilə olmasına şübhəsi varsa və ya hamilə qalmağı planlaşdırırsa, o, bu preparatı istifadə etməzdən əvvəl həkimlə və ya əczaçı ilə məsləhətləşməlidir.
Hamiləlik: Heyvanlar üzərində aparılmış tədqiqatlarda pirantel embonatın dölə zərərli təsiri aşkar edilməmişdir. Lakin, pirantel embonatın hamilə qadınlarda istifadəsinə dair nəzarət olunan klinik tədqiqatların aparılmaması ilə əlaqədar olaraq, müalicədən ana üçün gözlənilən faydanın döl üçün riskdən üstün olduğu hallar istisna olmaqla, bu preparatı hamiləlik dövründə istifadə etmək tövsiyə olunmur.
Laktasiya: Pirantel embonatın ana südünə nüfuz etməsinin öyrənilməsi üçün tədqiqat aparılmayıb. Ona görə də Pirantelin uşaq əmizdirən qadınlarda istifadəsi tövsiyə olunmur. Əgər laktasiya dövründə Pirantellə müalicə zəruri olarsa, o zaman müalicənin aparıldığı müddət ərzində ana südü ilə qidalandırmanı dayandırmaq lazımdır.

Pirantel, istifadə qaydası

Pirantel preparatını həkimin tövsiyələrinə uyğun olaraq qəbul etmək lazımdır. Nəyəsə şübhə olarsa, həkimlə məsləhətləşmək lazımdır.

Askaridoz (Ascaris lumbricoides): Böyüklər və bədən kütləsi >10 kq olan uşaqlar: birdəfəlik doza 11 mq/kq.
Adətən, birdəfəlik dozanın qəbulu kifayətdir, lakin effektivlik kifayət qədər olmazsa, preparatın qəbulunu 2-3 həftədən sonra təkrar etmək lazımdır.

Enterobioz (Enterobius vermicularis): Böyüklər və bədən kütləsi >10 kq olan uşaqlar: birdəfəlik doza 11 mq/kq. Preparatın qəbulunu 2-3 həftədən sonra təkrar etmək lazımdır.

Ancylostoma duodenale və Necator americanus invaziyası: Böyüklər və bədən kütləsi >10 kq olan uşaqlar: ardıcıl 3 gün müddətində gündə 1 dəfə 11 mq/kq doza ilə qəbul olunur.