Rabebraun 10 ml N1 Flakon

RABEBRAUN, inyeksiya üçün məhlul hazırlamaq üçün liofilizəolunmuş kütlə

RABEBRAUN tərkibi

Təsiredici maddə: 1 flakonda 20 mq rabeprazol natrium vardır.

İstifadəsinə göstərişlər

RABEPRAZOL VD Rabeprazolun peroral qəbulu göstəriş olmayan pasiyentlər üçün alternativdir. Rabeprazol VD aşağıdakı problemlərin müalicəsi zamanı göstərişdir: Peroral rabeprazol ilə ardıcıl müalicə (yüksəldici müalicə), məsələn, əvvəlcə peroral rabeprazol qəbul etmiş pasiyent hər hansı səbəbdən müvəqqəti olaraq peroral preparatları qəbul edə bilmədikdə. Onikibarmaq bağırsağın qanaxma ilə və ya güclü eroziyalarla aktiv xorası. Mədənin qanaxma ilə və ya güclü eroziyalarla aktiv xorası.

Eroziv və ya xoralı qastroezofaqeal reflüks xəstəliyinin (QERX) qısamüddətli müalicəsi. Turşu aspirasiyasının profilaktikası. İntensiv müalicə zamanı selikli qişanın stresslə bağlı zədələnməsi. Zollinger-Ellison sindromu daxil olmaqla, patoloji hipersekretor vəziyyətlər.

Əks göstərişlər

Rabeprazola, benzimidazol törəmələrinə və ya bu dərman preparatının köməkçi maddələrindən hər hansı birinə qarşı yüksək həssaslıq.

Hamiləlik və laktasiya dövründə istifadəsi

Hamiləlik Hamilə qadınlar üzərində heç bir adekvat və nəzarətolunan tədqiqat aparılmamışdır. Heyvanlar üzərində aparılan reproduktiv tədqiqatlar heç də həmişə insanınreaksiyası barədə fikir yürütməyə imkan vermədiyindən, bu preparat hamiləlik dövründə yalnız aşkar zərurət olduğu zaman istifadə edilməlidir. Laktasiya Bir çox dərmanlar ana südünə nüfuz etdiyindən, rabeprazolu südəmər uşağı olan analara təyin edərkən, ehtiyatlı olmaq lazımdır.

Nəqliyyat vasitələrini və digər potensial təhlükəli mexanizmləri idarəetmə qabiliyyətinə təsiri

Mövcud deyil.

RABEBRAUN istifadə qaydası və dozası

Tövsiyə olunan doza: gündə 1 dəfə bir flakonun möhtəviyyatı (20 mq rabeprazol) venadaxili yeridilir. Venadaxili istifadədən başqa parenteral yeridilmə yolları tövsiyə olunmur. İnyeksiya: flakonun möhtəviyyatı 5 ml steril inyeksiya üçün suda həll edilməli və yavaş-yavaş 5- 15 dəqiqə müddətində yeridilməlidir. İnfuziya: venadaxili infuziya üçün preparatın həll edilərək hazırlanmış məhlulu əlavə olaraq durulaşdırılmalı və qısamüddətli infuziya şəklində 15-30 dəqiqə müddətində yeridilməlidir.

İstifadə qaydası Yalnız venadaxili istifadə üçün.