Robsen 20 Mq N28 Tablet

Robsen, 10 mq və 20 mq qastrorezistent tabletlər

Robsen, beynəlxalq patentləşdirilməmiş adı: Rabeprazole

Robsen tərkibi

Təsiredici maddələr: Robsen 10 mq – 10 mq rabeprazol natrium (9.42 mq rabeprazola ekvivalent); Robsen 20 mq – 20 mq rabeprazol natrium (18.85 mq rabeprazola ekvivalent).

Robsen, istifadəsinə göstərişlər

Kəskinləşmə fazasında duodenal və mədə xorası, eroziv və ya xoralı qastro-ezofaqeal reflüks xəstəliyi (QERX), QERX-nin uzunmüddətli müalicəsi və simptomatik forması, Zollinger-Ellison sindromu, peptik xora xəstəliyində H. pylori-nin eradikasiyası üçün antibiotiklərlə kombinasiyada istifadə olunur.

Əks göstərişlər

Tərkibindəki komponentlərə qarşı yüksək həssaslıq, hamiləlik, laktasiya dövrü. Atazanavir ilə birgə istifadəsi tövsiyə olunmur.

Hamiləlik və laktasiya dövründə istifadəsi

Hamiləlik və laktasiya dövründə ROBSEN qəbul etmək olmaz.

Pediatriyada istifadəsi

ROBSEN-ın uşaqlarda istifadəsi məsləhət görülmür.

Nəqliyyat vasitələrini və digər potensial təhlükəli mexanizmləri idarəetmə qabiliyyətinə təsiri

Yuxululuq yarada biləcəyi üçün nəqliyyat və təhlükəli mexanizmlərin idarəsi tövsiyə edilmir.

Robsen istifadə qaydası

Gündə 1 dəfə, səhər yeməkdən əvvəl yarım stəkan su ilə bütöv udulmalıdır. Doza həkim tərəfindən təyin olunmalı və xəstəliyin növünə uyğun olaraq fərdiləşdirilməlidir. QERX və xoralar üçün 4–8 həftə, Zollinger-Ellison sindromu üçün gündəlik 60–120 mq, H. pylori-nin eradikasiyası üçün gündə 2 dəfə 20 mq (antibiotiklərlə birlikdə) istifadə edilir.