Senadeksin 70 mq N10 tablet

Tərkibi

Təsiredici maddə:

1 tabletin tərkibində A və B sennozidlərin kalsium duzları olan, 20% hesabı ilə 70 mq səna yarpaqlarının ekstraktı vardır.

Köməkçi maddələr:

Laktoza monohidrat, qarğıdalı nişastası, vanilin, maqnezium stearat, stearin turşusu, talk.

İstifadəsinə Göstərişlər

Müxtəlif etiologiyalı bağırsaq atoniyası ilə əlaqədar qəbizlik. Rentgenoloji müayinələrə hazırlıq.

Əks Göstərişlər

Preparatın istənilən komponentinə qarşı yüksək həssaslıq, mədə-bağırsaq sisteminin kəskin iltihabi xəstəlikləri (Kron xəstəliyi, kolitlər, xoralı kolit), kəskin bağırsaq xəstəlikləri və ya cərrahi müdaxilələr (divertikulit, appendisit, peritonit), tez-tez baş verən diareya, ürəkbulanma, qusma, bağırsaq keçməzliyi/paralitik keçməzlik, spastik qəbizlik, boğulmuş yırtıq, qaraciyərin üzvi zədələnməsi, mənşəyi bilinməyən epiqastral ağrı, mədə-bağırsaq və uşaqlıq qanaxmaları, sistit, spastik ağrı, ağır hipokaliemiya, rektal qanaxma.

Hamiləlik və Laktasiya Dövründə İstifadəsi

Preparat hamilə qadınlara tam əks göstəriş deyil, lakin yalnız həkim müşahidəsi altında istifadə olunmalıdır. Hamilələrdə əlavə təsirlərin (abdominal ağrılar, diareya) yaranma riski yüksəkdir.

Preparatın komponentləri ana südünə keçə bildiyi üçün müalicə zamanı süd vermə dayandırılmalıdır. Lakin düzgün dozalanma ilə uşaqda arzuolunmaz təsirlərin yaranma ehtimalı azdır.

İstifadə Qaydası və Dozası

Daxilə qəbul edilir, az miqdarda maye ilə, adətən yatmazdan əvvəl və ya səhərlər.

• Böyüklər və 12 yaşdan yuxarı uşaqlar: gündə 1-2 dəfə 2 tablet. Maksimal gündəlik doza: 4 tablet.
• Yaşlı xəstələr: müalicəyə 1 tablet ilə başlamaq tövsiyə olunur.