Sertoxol 250 Mq N20 Kapsul

SERTOXOL, bərk jelatin kapsullar

Sertoxol tərkibi

Sertoxol 250 mq: Hər kapsulda 250 mq ursodeoksixol turşusu vardır. Köməkçi maddələr: qarğıdalı nişastası, susuz kolloidal silisium, maqnezium stearat. Kapsul tərkibi: titan dioksid, sarı dəmir oksidi, jelatin.
Sertoxol 300 mq: Hər kapsulda 300 mq ursodeoksixol turşusu vardır. Köməkçi maddələr: qarğıdalı nişastası, susuz kolloidal silisium, maqnezium stearat. Kapsul tərkibi: jelatin, titan dioksid, qırmızı dəmir oksidi.

Əks göstərişlər:
Preparatın hər hansı komponentinə qarşı yüksək həssaslıq, aktiv mərhələdə mədə və onikibarmaq bağırsaq xorası, öd axarlarının tutulması, tez-tez öd sancıları, kalsifikasiya olunmuş daşlar, öd kisəsi motorikasının zəifliyi və iltihabı hallarında istifadəsi qadağandır. Eyni zamanda kəskin qaraciyər və öd yolları xəstəliklərində tövsiyə olunmur.

Hamiləlik və laktasiya dövründə istifadəsi:
Hamiləlik dövründə Sertoxol yalnız ciddi tibbi göstərişlər olduqda və həkim nəzarəti altında istifadə edilə bilər. Heyvan tədqiqatlarında ilkin mərhələlərdə mənfi təsirlər müşahidə edildiyindən hamilə qadınlarda istifadəsi tövsiyə edilmir. Südəmər dövrdə ana südünə keçmə ehtimalı çox aşağı olsa da, ehtiyatlı olmaq lazımdır. Bu səbəbdən həkim məsləhəti olmadan istifadə edilməməlidir.

Sertoxol istifadə qaydası, dozası

Böyüklər üçün – xolesterin daşlarının əridilməsi zamanı gündə 10 mq/kq doza təyin olunur, adətən müalicə 6-24 ay davam edir. Birincili biliar sirroz zamanı isə orta hesabla bədən çəkisinə uyğun olaraq 14±2 mq/kq/gün qəbul olunur. Uşaqlarda (6-18 yaş) kistoz fibrozla əlaqədar hallarda 20 mq/kq/gün təyin edilir, zərurət olduqda 30 mq/kq/gün-ə qədər artırıla bilər. Preparat uzunmüddətli müşahidə altında həkim göstərişinə əsasən qəbul edilməlidir.

Əlavə təsirləri:
Ən çox müşahidə olunan əlavə təsir diareya və qarında diskomfortdur. Nadir hallarda qaraciyərdə enzimlərin artması, öd kisəsində daşların kalsifikasiyası və övrə müşahidə edilə bilər. Birincili biliar sirrozun gec mərhələsində nadir hallarda qaraciyər sirrozunun dekompensasiyası qeydə alınmışdır. Doza həddinin aşılması zamanı diareya müşahidə olunur və əsas müalicə simptomatikdir.