Sosefen 2 mq 20 ml damla

SOSEFEN, 2 mq/ml daxilə qəbul üçün damcı, məhlul

Sosofen tərkibi

 Təsiredici maddə:   1 ml məhlulun tərkibində 2,75 mq ketotifen hidrogen fumarat vardır (2  mq  ketotifenə ekvivalentdir). Köməkçi maddələr: propilenqlikol, sorbitol, limon turşusu monohidrat, natrium sitrat,  natrium metil parahidroksibenzoat, natrium-propilparahidroksibenzoat,    natrium saxarin, çiyələk aromatizatoru, təmizlənmiş su.

İstifadəsinə göstərişlər:

 • Allergik xəstəliklərin simptomatik müalicəsi və profilaktikası.  • Bronxial astmanın kompleks müalicəsi.

Əks göstərişlər:

 • Ketotifenə və köməkçi maddələrdən hər hansı birinə qarşı yüksək həssaslıq. • Antidiabetik dərman vasitələrini qəbul edən xəstələr. • Epilepsiya. • Laktasiya dövrü. • Altı aylığa qədər uşaqlar.

Hamiləlik və laktasiya dövründə istifadəsi:

 Ketotifenin hər hansı teratogen təsiri müşahidə edilməmişdir. Buna baxmayaraq, hamiləlik dövründə, xüsusilə hamiləlik dövrünün birinci üçaylığında Sosefeni istifadə etmək məsləhət görülmür. Ketotifen ana südünə keçdiyinə görə Sosefenin istifadəsi zamanı ana südü ilə qidalandırma dayandırılmalıdır.

Sosofen istifadə qaydası, dozası

 Sosefen 2 mq/ml daxilə qəbul edilən damcılar dərman vasitəsinin qəbul dozası qapağa keçirilmiş və 25 bölgü ilə dərəcələnmiş xüsusi damcı-dozatorun vasitəsi ilə çəkilir. Çəkilmiş məhlul birbaşa və ya su ilə həll edildikdən sonra daxilə qəbul edilir. - 7 bölgü 0,5 mq ketotifenə bərabərdir. - 13 bölgü 1 mq ketotifenə bərabərdir. - 25 bölgü 2 mq ketotifenə bərabərdir. Böyüklər və 3 yaşdan yuxarı uşaqlar gündə 2 dəfə (səhər və axşam) 1 mq qəbul edir. Böyüklər üçün maksimal gündəlik doza 4 mq-dır. 6 aylıqdan 3 yaşa qədər uşaqlar gündə 2 dəfə (səhər və axşam) 0,05 mq/kq dozada bədən çəkisinə uyğun olaraq qəbul edir.