Suprastin 25MG N20 Tb

SUPRASTİN, 25 mq tabletlər

SUPRASTİN tərkibi

SUPRASTİN tərkibi, 1 tabletin tərkibində 25 mq xloropiramin hidroxlorid vardır

Suprastin, istifadəsinə göstərişlər

Suprastin® antihistamin preparat olub, qaşınma ilə müşayiət olunan (məsələn, bitkilərin və kimyəvi maddələrin təsirindən yaranan pollinoz, konyunktivit, övrə, dermatit, eləcə də qida və dərman allergiyasının simptomlarının və həşəratların sancması zamanı) allergik reaksiyaların və xəstəliklərin müalicəsində istifadə edilir. Preparat eləcə də, yüksək həssaslıq reaksiyalarının (anafilaktik şok) müalicəsində əlavə terapiya zamanı istifadə edilir.

Əks göstərişlər

Preparatın istənilən komponentinə və dihiropiridin törəmələrinə qarşı yüksək həssaslıq; kəskin astma tutması zamanı; vaxtından əvvəl doğulmuş və yenidoğulmuş körpələr; hamiləlik və laktasiya dövrü.

Hamiləlik və laktasiya dövründə istifadəsi

Hamiləlik, laktasiya dövrü, hamiləliyin ehtimal olunması və ya hamiləliyin planlaşdırılması dövründə preparatın qəbulu haqqında həkimə məlumat vermək lazımdır. Hamilə qadınlarda preparatın istifadəsi üçün lazımi adekvat nəzarət tədqiqatları aparılmamışdır. Lakin hamiləliyin axırıncı aylarında antihistamin preparat qəbul edən anaların yenidoğulmuş körpələrində göz billurunun arxasında birləşdirici toxumanın inkişafı barədə qeydlər vardır. Bu səbəbdən preparatın istifadəsi hamilə qadınlara əks göstərişdir. Laktasiya: preparatın istifadəsinin adekvat nəzarət tədqiqatları olmadığı təqdirdə, laktasiya dövründə istifadə etmək olmaz.

İstifadə qaydası və dozası

Suprastin® preparatını ciddi şəkildə həkim təyinatı ilə qəbul etmək lazımdır. Dozalanma rejimi:Böyüklər: gündə 3-4 dəfə 1 tablet. Axşam qəbul edildikdə qastro-ezofagial refluks simptomları arta bilər.Uşaqlar və yeniyetmələr:1-12 aylıq uşaqlar: ¼ tablet gündə 2-3 dəfə.1-6 yaşlı uşaqlar: ½ tablet gündə 2 dəfə.6-14 yaşlı uşaqlar: ½ tablet gündə 3-4 dəfə.Doza pasiyentin reaksiyasına görə artırıla bilər, lakin heç bir halda 2 mq/kq-dan artıq olmamalıdır.Anafilaktik şok və ya ağır allergik reaksiya zamanı müalicəyə venadaxili inyeksiya ilə başlanmalı, sonra əzələdaxili və ya daxilə qəbul davam etdirilməlidir.Xüsusi pasiyent qrupları: yaşlı və zəifləmiş xəstələrdə əlavə təsirlərə həssaslıq yüksəkdir, doza diqqətlə seçilməlidir. Qaraciyər və böyrək funksiyası pozulmuş pasiyentlərdə doza azaldıla və ya qəbul rejimi dəyişdirilə bilər.Tabletlər yemək vaxtı, çeynəmədən və su ilə qəbul edilməlidir. Alkoqol qəbulundan çəkinmək tövsiyə olunur.