Surol 500MG N100 Tb

SUROL, örtüklü tabletlər

Surol tərkibi

Təsiredici maddə: 1 tabletin tərkibində 250 mq və ya 500 mq ursodezoksixol turşusu vardır.
Köməkçi maddələr: mikrokristallik sellüloza, prejelatinləşdirilmiş qarğıdalı nişastası, polivinilpirrolidon (PVP K30), kolloidal susuz silisium dioksid, natrium stearil fumarat.
Örtük: hidroksipropilmetilsellüloza, polietilenqlikol, titan dioksid.

Əks göstərişlər:
— Rentgen müsbət öd daşları (yüksək miqdarda kalsium tərkibli);
— öd yollarının tıxanması (ümumi öd axarının və öd kisəsi axarının);
— öd kisəsinin yığılma qabiliyyətinin pozulması;
— öd kisəsi və öd yollarının kəskin iltihabi xəstəlikləri;
— tez-tez baş verən qaraciyər ağrısı tutmaları;
— preparatın tərkibindəki komponentlərdən hər hansı birinə qarşı yüksək fərdi həssaslıq;
— uğursuz portoenterostomiya və ya öd axarlarının atreziyası olan uşaqlarda öd ifrazının yaxşı bərpa olunmaması.

Hamiləlik və laktasiya dövründə istifadəsi:
Ursodezoksixol turşusunun hamilə qadınlarda istifadəsinə dair məlumatlar mövcud deyil. Heyvanlar üzərində aparılan tədqiqatlar zamanı hamiləliyin erkən dövrlərində reproduktiv toksiklik qeydə alınmışdır. Ursodezoksixol turşusunun hamiləlik zamanı mütləq istifadə tələbi olmadığı hallarda qəbul olunmaması məsləhət görülür. Çox az hallarda preparatı qəbul edən südverən qadınlarda döş südündə çox cüzi miqdarda ursodezoksixol turşusu müəyyən olunmuşdur. Bu halın ana südü ilə qidalanan uşaqlarda arzuolunmaz əlavə təsirlərə səbəb olacağı düşünülmür.

İstifadə qaydası və dozası:
Xolesterin öd daşlarının həll olması üçün bədən kütləsinin hər kiloqramına 10 mq olmaqla təyin olunur. Preparat adətən hər gün axşamlar yatmazdan əvvəl qəbul olunur. Tableti çeynəmədən, az miqdarda su ilə qəbul etmək lazımdır. Müalicə müddəti 6-24 ay təşkil edir. Əgər daşların ölçüsü 12 ay ərzində kiçilməzsə, preparatın qəbulu dayandırılır. Biliar reflüks-qastritin müalicəsi zamanı hər gün 1 tablet axşamlar yatmazdan əvvəl təyin olunur. Müalicə kursunun müddəti 10-14 gündür. Birincili biliar sirroz zamanı gündəlik qəbul dozası xəstənin bədən kütləsindən asılı olub, 3-7 kapsul təşkil edir. Uşaqlarda fibroz-kistoz degenerasiya ilə əlaqədar xəstəliklər zamanı gündəlik doza bədən kütləsinin hər kiloqramına 20 mq təşkil edir, lazım gəldikdə 30 mq/kq-a qədər artırıla bilər.