Vomiklon 12, 5/25 Mq N30 Tablet

Vomiklon, 12.5/25 mq tabletlər

Vomiklon, beynəlxalq patentləşdirilməmiş adı: Meclizine hydrochloride / Pyridoxine hydrochloride

Vomiklon tərkibi

Təsiredici maddələr: 1 tabletin tərkibində 12,5 mq meklizin hidroxlorid və 25 mq piridoksin hidroxlorid vardır.

Vomiklon, istifadəsinə göstərişlər

Hamiləlik dövründə (həkim tərəfindən istifadəsi məsləhət görüldükdə), cərrahi əməliyyat sonrası, rentgen çəkilişindən sonra yaranan ürəkbulanma və qusma əleyhinə istifadə olunur.

Əks göstərişlər

Preparatın təsiredici və ya köməkçi maddələrinə qarşı yüksək həssaslıq (allergiya).

Hamiləlik və laktasiya dövründə istifadəsi

Hamiləlik dövründə istifadə oluna bilər. Laktasiya dövründə isə yalnız həkimin dəyərləndirməsi ilə istifadə edilə bilər.

Pediatriyada istifadəsi

Kiçik yaşlı uşaqlarda istifadəsi əks göstərişdir.

Nəqliyyat vasitələrini və digər potensial təhlükəli mexanizmləri idarəetmə qabiliyyətinə təsiri

Idarəetmə reaksiyasının zəifləməsinə səbəb ola bilər. Nəqliyyat vasitələrini və digər potensial təhlükəli mexanizmləri idarə edərkən ehtiyatlı olmaq lazımdır.

Vomiklon istifadə qaydası

Hamiləlik dövründə:
– 1 tablet yatmazdan əvvəl, zərurət olduqda səhər əlavə 1 tablet
– Maksimum doza: gündə 4 tablet (2 günə qədər)

Cərrahi əməliyyatlardan sonra:
– 2 tablet qəbul olunur, zərurət olduqda təkrar edilir
– Maksimum doza: gündə 4 tablet (2 günə qədər)

Rentgen çəkilişindən sonra:
– 2 tablet çəkilişdən əvvəl və ya sonra
– Maksimum doza: gündə 4 tablet

Tabletlər bütöv şəkildə bir stəkan su ilə qəbul olunmalıdır. Hamiləlik zamanı qəbuldan əvvəl az miqdarda qida qəbul edilməlidir.