Zefeksal 180MG N20 Tb

ZEFEKSALTM, örtüklü tabletlər

ZEFEKSALTM tərkibi

Təsiredici maddə: 1 tabletin tərkibində 180 mq feksofenadin hidroxlorid vardır.

İstifadəsinə göstərişlər

Böyüklərdə və 12 yaşdan yuxarı uşaqlarda xroniki idiopatik övrə xəstəliyinin simptomatik müalicəsi.

Əks göstərişlər

Preparatın hər hansı komponentinə qarşı yüksək həssaslıq. 12 yaşdan kiçik uşaqlarda feksofenadin hidroxlorid tabletlərinin təhlükəsizliyi və effektivliyi öyrənilməmişdir.

Hamiləlik və laktasiya dövründə istifadəsi

Hamilə qadınlarda feksofenadinin potensial teratogen fetotoksik effekti qiymətləndirən klinik məlumat yoxdur. Preparat hamiləlik dövründə çox ciddi ehtiyac olduqda istifadə edilməlidir. Feksofenadinin ana südünə keçib-keçməməsi haqqında məlumat yoxdur, lakin terfenadin laktasiya dövründə terfenadin istifadə etdikdə ana südündə feksofenadin aşkar olunmuşdur. Buna görə laktasiya dövründə feksofenadin hidroxloridin istifadəsi tövsiyə olunmur.

Nəqliyyat vasitələrini və digər potensial təhlükəli mexanizmləri idarəetmə qabiliyyətinə təsiri

Farmakodinamik profil və əlavə reaksiyalar haqqında bildirilən məlumata əsasən feksofenadin hidroxlorid tabletlərinin nəqliyyat vasitələrini və digər mexanizmləri idarəetmə qabiliyyətinə təsir ehtimalı azdır. Feksofenadin hidroxlorid mərkəzi sinir sisteminin funksiyasına əhəmiyyətli təsir göstərmir və beləliklə xəstələr nəqliyyat vasitələrini idarə edə bilərlər və diqqət tələb edən fəaliyyətlə məşğul ola bilərlər. Buna baxmayaraq, dərman vasitələrinə qeyri-adi reaksiya olan şəxslərdə preparata həssaslığını yoxlamaq tövsiyə edilir.

ZEFEKSALTM istifadə qaydası və dozası

Böyüklərə və 12 yaşdan yuxarı uşaqlara gündə 1 dəfə 180 mq dozada qəbul edilməsi tövsiyə olunur. Alüminium və maqnezium tərkibli antasidlərin feksofenadindən 15 dəq əvvəl qəbulu feksofenadinin biomənimsənilməsinin azalmasına səbəb olur və buna görə feksofenadinin

qastrointestinal absorbsiyası azalır. Bu səbəbdən antasidlərlə feksofenadinin qəbulu arasında ən azı 2 saat interval olmalıdır. Xüsusi qrup xəstələrə dair əlavə məlumat Böyrək/Qaraciyər çatışmazlığı olan xəstələr Böyrək və qaraciyər çatışmazlığı olan xəstələrdə preparatın istifadəsi haqqında çox məhdud məlumat mövcuddur. Feksofenadin hidroxlorid bu xəstə qruplarında ehtiyatla istifadə edilməlidir. Uşaqlarda istifadəsi 12 yaşdan kiçik uşaqlarda feksofenadin hidroxlorid təhlükəsizliyi və effektivliyi öyrənilməmişdir. Yaşlı xəstələrdə istifadəsi Yaşlı xəstələrdə preparatın istifadəsi haqqında çox məhdud məlumat mövcuddur. Feksofenadin hidroxlorid bu xəstə qrupunda ehtiyatla istifadə edilməlidir.