ZOVIRAX 250MG N5 FLK

Zoviraks, infuziya məhlulu hazırlamaq üçün toz

Zoviraks tərkibi

Zoviraks tərkibi, 1 flakonda 250 mq asiklovir vardır. Köməkçi maddələr: natrium hidroksid.

Zoviraks, istifadəsinə göstərişlər

Asiklovir venadaxili infuziya şəklində aşağıdakı hallarda göstərişdir: Sadə herpes virusu tərəfindən törədilən infeksiyaların müalicəsi; immun sistemi zəifləmiş xəstələrdə sadə herpes virusu tərəfindən törədilən infeksiyaların profilaktikası; suçiçəyi virusu (Varisella zoster) tərəfindən törədilən infeksiyaların müalicəsi; yenidoğulmuşlarda sadə herpes virusu tərəfindən törədilən infeksiyaların müalicəsi; sümük iliyinin transplanatasiyası aparılmış resipiyentlərdə SMV infeksiyasının profilaktikası. Göstərilmişdir ki, yüksək dozalarda venadaxili asiklovir SMV infeksiyası ilə xəstələnməni azaldır və başlanmasını ləngidir. Yüksək dozada venadaxili asiklovirin istifadəsindən sonra 6 ay yüksək dozalarda asiklovirin peroral qəbulu ölüm göstəricisini azaldır və viremiyanın rastgəlmə tezliyi də aşağı düşür.

Əks göstərişlər

Asiklovir venadaxili infuziya asiklovirə və ya valasiklovirə hiperhəssas xəstələrdə əks göstərişdir.

Hamiləlik və laktasiya dövründə istifadəsi

Hamiləlik: Post-marketinq asiklovir hamiləlik reyestrində asiklovirin istənilən formasının təsirinə məruz qalan qadınlarda rast gəlinən nəticələr qeydə alınmışdır. Reyestr nəticələrində ümumi populyasiya ilə müqayisədə asiklovirin təsirinə məruz qalan xəstələrdə anadangəlmə qüsurların sayının artması müşahidə olunmamışdır. Asiklovir yalnız gözlənilən fayda naməlum risklərin yaranma ehtimalından daha üstün olduğu halda, təyin olunmalıdır. Laktasiya: Gündə 5 dəfə 200 mq dozada asiklovirin istifadəsindən sonra ana südündəki konsentrasiyası plazmadakı səviyyələrindən 0,6-4,1 dəfə yüksək idi. Bu səviyyədə asiklovir 0,3 mq/kq/gün doza qədər potensial olaraq körpələrə təsir edə bilər. Buna görə də laktasiya dövründə qadınlara ehtiyatlı olmaq tövsiyə olunur.

Zoviraks, istifadə qaydası

Sadə herpesin müalicəsi: venadaxili infuziya 1 saat ərzində köçürülməlidir. Müalicə kursu adətən 5 gün davam edir. Herpes ensefalitinin müalicəsi – 10 gün, yenidoğulmuşlarda – 14-21 gün. Böyüklər: sadə herpes üçün hər 8 saatdan bir 5 mq/kq; ensefalit üçün 10 mq/kq. Uşaqlar: 3 ay - 12 yaş – 10 mq/kq; ensefalit – 20 mq/kq hər 8 saatdan bir. Yenidoğulmuşlar – yayılmış və MSS xəstəliklərdə 20 mq/kq (21 gün), dəri və seliklə məhdudlaşmış hallarda 14 gün. Yaşlılar: böyrək funksiyasına əsasən doza düzəldilməlidir. Adekvat hidratasiya təmin olunmalıdır. Böyrək çatışmazlığı: dozalar kreatinin klirensinə görə tənzimlənməlidir.