Alfalip 600MG/50 ml Sistem

ALFALİP, venadaxili inyeksiya üçün məhlul

ALFALİP tərkibi

Təsiredici maddə: 1 flakonda 600 mq tiokt (alfa-lipoy) turşusu vardır.

İstifadəsinə göstərişlər

- Şəkərli diabet xəstəliyində sinir zədələnməsi nəticəsində yaranan paresteziyalar (polineyropatiya).

Əks göstərişlər

- Preparata və ya onun komponentlərindən hər hansı birinə qarşı yüksək həssaslıq; - 18 yaşa qədər uşaqlar (istifadəsinin effektivliyi və təhlükəsizliyi müəyyən olunmayıb); - hamiləlik və laktasiya dövrü.

Hamiləlik və laktasiya dövründə istifadəsi

Hamiləlik Ümumi farmakoterapiya göstəricilərinə əsasən hamiləlik və laktasiya dövründə dərman yalnız onun verə biləcəyi fayda və risklər nəzərə alınmaqla təyin edilə bilər. Hamiləlik və laktasiya dövründə olan xəstələr üzərində tədqiqat aparılmadığına görə bu qrupdan olan xəstələrin tiokt (alfa-lipoy) turşusu ilə müalicəsi yalnız həkim məsləhəti və nəzarəti altında aparılmalıdır. Laktasiya Tiokt (alfa-lipoy) turşusunun ana südünə nüfuz etməsi barədə heç bir məlumat yoxdur. İstənilən dərmanı istifadə etməzdən əvvəl həkim və əczaçı ilə məsləhətləşmək tövsiyə olunur.

Nəqliyyat vasitələrini və digər potensial təhlükəli mexanizmləri idarəetmə qabiliyyətinə təsiri

Müalicə müddətində nəqliyyat vasitəsinin idarə e dilməsi və yüksək diqqət və sürətli psixomotor reaksiyalar tələb olunan potensial təhlükəli fəaliyyət növləri ilə məşğul olduqda ehtiyatlı olmaq lazımdır.

ALFALİP istifadə qaydası və dozası

Preparat damcı üsulu ilə vena daxilinə təyin edilir. Böyüklərdə Alfalip bilavasitə flakondan (yəni həlledicisiz) olmaqla, gündə 600 mq dozada (1 flakon) ən azı 30 dəqiqə ərzində yeridilir. Məhlulun venadaxili yeridilməsi infuzomat vasitəsilə də mümkündür, bu zaman yeridilmə vaxtı həmçinin 30 dəqiqədən az təşkil etməməlidir. Müalicə kursu 2- 4 həftədir.

Bundan sonra dəstəkləyici müalicə məqsədilə tiokt (alfa -lipoy) turşusunun peroral fomalarının (kapsullarının) gündə 600 mq- lıq dozalarının qəbuluna keçilir. Müalicə ku rsunun davametmə müddəti və onun təkrar olunmasına ehtiyacın yaranması həkim tərəfindən müəyyən olunur. Tiokt (alfa-lipoy) turşusunun işığa həssas olması ilə əlaqədar olaraq infuzion məhlulları istifadə olunana qədər karton qutuda saxlamaq lazımdır.