Alfasart 600 mq N30 tablet

ALFASART    

600 mq örtüklü tablet

ALFASART tərkibi ,təsiredici maddə:

 1 tabletin tərkibində 600 mq alfa-lipoy turşusu vardır. 
Köməkçi maddələr: maqnezium stearat, L-hidroksipropilsellüloza, hidroksipropilsellüloza,  
hipromelloza, makroqol, titan dioksid, talk, xinolin sarısı alüminium lakı,      
mavi FD&C#2/indiqo karmin alüminium lakı.

İstifadəsinə göstərişlər 
Diabet zamanı diabetik neyropatiya adlanan, periferik sinirlərin zədələnməsi səbəbindən 
ətraflarda meydana gələn ağrı, həssaslığın itməsi, zəiflik kimi simptomların müalicəsi. 

Əks göstərişlər 
− Alfa-lipoy turşusuna və ya preparatın komponentlərindən hər hansı birinə qarşı yüksək 
həssaslıq. 
− 18 yaşa qədər uşaqlar və yeniyetmələr. 

Hamiləlik və laktasiya dövründə istifadəsi 
Hamiləlik 
Preparatı qəbul etməzdən əvvəl həkim və ya əczaçıyla məsləhətləşin. 
Preparat hamiləlik dövründə yalnız həkim məsləhəti ilə istifadə edilə bilər. Müalicə zamanı 
hamilə olduğunuzu bilsəniz dərhal həkimlə və ya əczaçı ilə məsləhətləşin. 
Laktasiya 
Preparatı qəbul etməzdən əvvəl həkim və ya əczaçıyla məsləhətləşin. 
Alfa-lipoy turşusunun ana südünə nüfuz edilməsi məlum deyil. Preparatla müalicənin və ya ana 
südü ilə qidalandırmanın dayandırılması qərarını yalnız həkim verə bilər. 

Nəqliyyat vasitələrini və digər potensial təhlükəli mexanizmləri idarəetmə qabiliyyətinə 
təsiri 
Nəqliyyat vasitələrini və digər potensial təhlükəli mexanizmləri idarəetmə qabiliyyətinə təsir 
göstərmir. 

İstifadə qaydası və dozası 
Preparatı həmişə həkiminizin tövsiyə etdiyi kimi istifadə edin. Əmin olmadığınız halda həkimə 
və ya əczaçıya müraciət edin. 
Həkim tərəfindən başqa göstəriş verilmədikdə, səhər yeməyindən 30 dəqiqə əvvəl gündə bir 
tablet qəbul edilməlidir. 
Preparatın qəbulu 
Alfasart çeynənmədən və acqarına maye ilə qəbul olunur. 
Eyni zamanda qidanın qəbulu alfa-lipoy turşusunun mənimsənilməsini azalda bilər. Bu səbəbdən 
tabletlər səhər yeməyindən yarım saat əvvəl qəbul olunmalıdır, xüsusən mədənin uzunmüddətli 
boşalması problemləri olan pasiyentlərdə. 
Diabetik neyropatiyanın xroniki xəstəlik olduğuna görə, Alfasart ömür boyu qəbul edilə bilər. 
Həkim, pasiyentin vəziyyətindən asılı olaraq preparatı təyin etməlidir. 
Müxtəlif yaş qrupları 
Uşaqlar: uşaqlarda və yeniyetmələrdə Alfasart istifadəsi ilə heç bir klinik təcrübə yoxdur. 
Bu səbəbdən preparat uşaqlarda və 10-19 yaşlı pasiyentlərdə (yeniyetmələr) istifadə 
edilməməlidir. 
Yaşlılar: yaşlı pasiyentlərdə (> 65 yaş) xüsusi tədqiqat aparılmayıb. 
Böyrək və ya qaraciyər çatışmazlığı olan pasiyentlər 
Böyrək və ya qaraciyər çatışmazlığı olan pasiyentlər üçün heç bir doza tənzimlənməsi tələb 
olunmur. 
Alfasart preparatının təsirinin çox güclü və ya çox zəif olduğunu hiss etdikdə, həkimə və ya 
əczaçıya bu barədə məlumat verin. 
Alfasart  preparatının istifadəsi unudularsa  
Unudulmuş dozanı əvəz etmək üçün ikiqat doza istifadə edilməməlidir. 
Alfasart ilə müalicə dayandırılarsa 
Həkimlə məsləhətləşmədən preparatın qəbulunu dayandırmaq olmaz. Preparatın qəbulu 
dayandırıldıqda, xəstəlik ağırlaşa bilər.