Bitib
Stokda olanda mənə xəbər verin.Təsiredici maddə: 1 tabletin tərkibində 53,2-56,8 mikroqram levotiroksin- natrium x H2O (50 mikroqram levotiroksin-natriuma müvafiq) vardır. Köməkçi maddələr: kalsium hidrofosfat dihidrat, mikrokristallik sellüloza, nişasta qlikolyatın natrium duzu (A tipi), dekstrin, uzunzəncirli parsial qliseridlər.
İstifadəsinə göstərişlər:
L-Tiroksin 50 Berlin-Hemi preparatı aşağıdakı hallarda istifadə olunur: - qalxanabənzər vəzinin hipofunksiyasının bütün formalarında tireoid hormon olmadıqda onu əvəz etmək üçün; - qalxanabənzər vəzidə aparılan zobun cərrahi əməliyyat vasitəsilə xaric olmasından sonra qalxanabənzər vəzinin normal funksional fəaliyyəti olduqda zob xəstəliyinin (qalxanabənzər vəzinin böyüməsi) təkrarlanmasının profilaktikası üçün; - qalxanabənzər vəzinin normal funksional fəaliyyəti fonunda xoşxassəli zob xəstəliyinin müalicəsi; - qalxanabənzər vəzinin yüksəlmiş funksiyalarının tireostatiklərlə (qalxanabənzər vəzinin yüksəlmiş funksiyalarını tormozlayan dərman preparatları) müalicəsi fonunda, normal metabolizm vəziyyətinə çatdıqdan sonra köməkçi terapiya vasitəsi kimi; L-Tiroksin 50 Berlin-Hemi preparatı bütün yaş qruplarından olan pasiyentlər üçün istifadə oluna bilər.
Əks göstərişlər:
- Levotiroksin-natriuma və ya preparatın tərkibində olan hər hansı komponentə qarşı yüksək həssaslıq; - aşağıda sadalanan xəstəlik və vəziyyətlər: qalxanabənzər vəzinin müalicə olunmayan hipertireozu, müalicə olunmayan adrenokortikal çatışmazlıq, müalicə tələb edən adrenokortikal çatışmazlığa səbəb olan müalicə olunmayan hipofizar çatışmazlıq, yaxın zamanlarda keçirilmiş miokard infarktı, ürək əzələsinin kəskin iltihabı (miokardit), ürək divarının bütün qatlarının kəskin iltihabı (pankardit). Hamiləlik dövründə qalxanabənzər vəzinin hiperfunksiyasının müalicəsi üçün dərman preparatları (tireostatiklər) qəbul edildikdə L-Tiroksin 50 Berlin-Hemi preparatından istifadə etmək olmaz. L-Tiroksin 50 Berlin-Hemi preparatını istifadə etməzdən əvvəl aşağıda göstərilən xəstəlik və vəziyyətləri istisna etmək və ya onları müalicə etmək lazımdır: - ürəyin işemik xəstəliyi; - ürək nahiyəsində ağrı və sinədə sıxılma hissi (stenokardiya); - yüksək arterial təzyiq; - hipofiz çatışmazlığı və/və ya böyrəküstü vəzilərin qabıq maddəsinin çatışmazlığı; - qalxanabənzər vəzidə nəzarət olunmayan tireoid hormon ifraz edən sahələrin mövcud olması (qalxanabənzər vəzinin avtonomiyası); Qalxanabənzər vəzinin funksional vəziyyətinin müayinəsi üçün qalxanabənzər vəzinin supressiyası ilə aparılan testi həyata keçirməzdən əvvəl yuxarıda sadalanan xəstəlik və ya vəziyyətləri istisna etmək və ya onların müalicəsini aparmaq lazımdır. Bununla belə, qalxanabənzər vəzinin avtonomiyasını istisna etmək tələb olunmur, çünki digər məsələlərlə yanaşı, qalxanabənzər vəzinin supressiyası ilə aparılan test qalxanabənzər vəzinin avtonomiyasının da aşkarlanmaşı üçün istifadə edilir.
Hamiləlik və laktasiya dövründə istifadəsi:
Müalicəyə başlamazdan əvvəl hamiləlik, laktasiya, ehtimal edilən hamiləlik və ya hamiləliyin planlaşdırılması barədə həkimi və ya əczaçını məlumatlandırmaq lazımdır. Hamiləlik və laktasiya dövründə tireoid preparatlarla lazımi müalicə xüsusilə vacibdir. Bu səbəbdən fasiləsiz həkim nəzarətində olmaq lazımdır. L-Tiroksin 50 Berlin-Hemi preparatının hamiləlik dövründə geniş istifadə olunmasına baxmayaraq, Levotiroksin preparatının hamiləliyin gedişinə və dölün və ya yenidoğulmuş körpənin sağlamlığına arzuolunmaz təsiri indiyə qədər aşkarlanmayıb. Hamiləlik dövründə və hamiləllikdən sonra qalxanabənzər vəzin funksiyasına nəzarət etmək lazımdır. Hamiləlik dövründə qanda estrogenin (qadın cinsiyyət hormonu) miqdarı yüksək olduğuna görə, Levotiroksin preparatının dozasının korreksiyası tələb oluna bilər. Hamiləlik dövründə L-Tiroksin 50 Berlin-Hemi preparatını qalxanabənzər vəzinin hiperfunksiyasının müalicəsi üçün istifadə olunan preparatlarla (tireostatiklər) eyni zamanda istifadə etmək olmaz, çünki bu zaman tireostatiklərin daha yüksək dozalarda istifadəsi tələb oluna bilər. Tireostatiklər (Levotiroksindən fərqli olaraq) plasentar səddən keçib dölün qan dövranına daxil olaraq dölün qalxanabənzər vəzinin hipofunksiyasına səbəb ola bilərlər. Bu səbəbdən, hamiləlik dövründə qalxanabənzər vəzinin hiperfunksiyasını, tireostatiklərin, yalnız aşağı dozaları ilə müalicə etmək lazımdır. Levotiroksin preparatının, hətta yüksək dozalarından istifadə etdikdə belə, ana südünə nüfuz edən tireotrop hormonun miqdarı, əhəmiyyətsiz dərəcədə az olduğundan, preparatın laktasiya dövründə istifadəsi təhlükə törətmir. Preparatın, kişilərin və qadınların reproduktiv funksiyasına təsiri barədə heç bir elmi sübut yoxdur. Hər hansı bir şübhə və ya buna işarə edən dəlil mövcud deyil.
Preparatı həkim və ya əczaçının təyinatına müvafiq olaraq istifadə etmək lazımdır. Preparatın istifadəsilə bağlı suallar yarandıqda həkimə və ya əczaçıya müraciət etmək lazımdır. Müayinələrin nəticələrinə əsasən, preparatın fərdi sutkalıq dozası həkim tərəfindən müəyyən olunur. Dozalanması Fərdi müalicə üçün, məsələn, müalicəni başlamaq, yetkin pasiyentlərdə dozanı artırılmaq, həmçinin uşaqların müalicəsi üçün təsiredici maddənin müxtəlif dozalı bölünən tabletlər mövcuddur. Əldə olan simptomatikadan asılı olaraq, aşağıdakı məsləhətlərə əməl etmək lazımdır: - qalxanabənzər vəzinin hipofunksiyasının müalicəsi üçün yetkin pasiyentlərə sutkada 25-50 mkq Levotiroksin-natrium təyin olunur (1/2 -1 tablat L-Tiroksin 50 Berlin-Hemi preparatına müvafiqdir). Həkimi təyinatına əsasən doza 2-4 həftə intervalı ilə 25-50 mkq artırılaraq sutkada 100-200 mkq Levotiroksin-natriuma (2-4 tablet L-Tiroksin 50 Berlin-Hemi preparatına müvafiqdir) çatdırıla bilər. - qalxanabənzər vəzidə aparılan urun cərrahi əməliyyat vasitəsilə xaric olmasından sonra zobun təkrarlanmasının profilaktikası üçün və xoşxassəli zob xəstəliyinin müalicəsi üçün sutkada 75-200 mkq Levotiroksin-natrium təyin olunur (1 ½ - 4 tabletə qədər L-Tiroksin 50 Berlin-Hemi preparatına müvafiqdir). - qalxanabənzər vəzinin yüksəlmiş funksiyalarının tireostatiklərlə müalicəsi fonunda köməkçi (əlavə, birlikdə aparılan) terapiya vasitəsi kimi sutkada 50-100 mkq Levotiroksinnatrium təyin olunur (1-2 tablet L-Tiroksin 50 Berlin-Hemi preparatına müvafiqdir). - Qalxanabənzər vəzinin bədxassəli şişi zəminində qalxanabənzər vəziyə cərrahi müdaxilə olduqda sutkada 150-300 mkq Levotiroksin-natrium təyin olunur (3-6 tablet L-Tiroksin 50 Berlin-Hemi preparatına müvafiqdir). Tireoid hormonun daha aşağı dozalarının istifadəsi də kifayət edə bilər. Qalxanabənzər vəzinin funksiyasının azalmasından əziyyət çəkən uşaqlar (anadangəlmə və qazanıl-mış hipotireoz) - Qalxanabənzər vəzinin funksiyasının aşağı düşməsinin uzunmüddətli müalicəsində (anadangəlmə və qazanılmış hipotireoz), Levotiroksinin dəstəkləyici dozası, adətən, bədən səthinin hər kvadrat metri hesabına sutkada 100-150 mkq təşkil edir. - Orqanizmdə Levotiroksinin tez bərpa olması vacib olan, psixi və fiziki inkişaf üçün xüsusi əhəmiyyət kəsb edən yenidogulmuş və körpə uşaqlarda qalxanabənzər vəzinin anadangəlmə hipofunksiyasının müalicəsi üçün məsləhət görülən başlanğıc doza ilk 3 ay müddətində bədən kütləsinin hər kiloqramına sutkada 10-15 mkq təşkil edir. Sonra doza klinik göstəricilərdən (xüsusən, qanda qalxanabənzər vəzinin hormonunun miqdarından) asılı olaraq, fərdi qaydada seçilir. - Qalxanabənzər vəzinin qazanılmış hipofunksiyasının müalicəsi üçün məsləhət görülən başlanğıc doza sutkada 12,5-50 mkq Levotiroksinin təşkil edir. Hər 2-4 həftədən bir doza tədricən artırılaraq, hormonun əvəz olunması tamamlanana qədər, tam dozaya çatdırılmalıdır. Bu zaman, qanda qalxanabənzər vəzinin hormonunun miqdarı əhəmiyyət kəsb edir. Yaşlı pasiyentlər, ürəyin işemik xəstəliyindən və qalxanabənzər vəzinin hipofunksiyasından əziyyət çəkən pasiyentlər Yaşlı pasiyentlərdə, ürəyin işemik xəstəliyindən əziyyət çəkən pasiyentlərdə və qalxanabənzər vəzinin ağır və ya uzunmüddətli hipofunksiyasından əziyyət çəkən pasiyentlərdə qalxanabənzər vəzinin hormon preparatları ilə müalicəni ehtiyatla başlamaq lazımdır. Bu o deməkdir ki, preparatla müalicəni ən aşağı dozadan başlamaq və dozanı tədricən, uzunmüddətli intervallarla, qanda qalxanabənzər vəzinin hormonlarının səviyyəsinə tez-tez nəzarət etməklə artırmaq lazımdır. Bədən kütləsi aşağı olan pasiyentlər və böyük ölçülü düyünlü zob olan pasiyentlər Toplanan təcrübəyə göstərir ki, bədən kütləsi aşağı olan və böyük ölçülü düyünlü zobu olan pasiyentlərin müalicəsi üçün preparatın kiçik dozalarının istifadəsi kifayət edir. Tabletin bölünməsi Tabletləri iki eyni hissəyə bölmək olar. Tableti, düz və möhkəm müstəviyə, bölünmə üçün çərtmə olan tərəfini yuxarı tutaraq yerləşdirmək lazımdır. Tabletin üzərindən sıxdıqda, tablet iki hissəyə bölünür.
AZ − AZN
