Metforiks 1000 mq N100 tablet

METFORİKS, 1000 mq örtüklü tabletlər

Metforiks, beynəlxalq patentləşdirilməmiş adı: Metformin.

METFORİKS tərkibi

Təsiredici maddə: 1 tabletin tərkibində 1000 mq metformin hidroxlori (780 mq metforminə ekvivalent) vardır.

METFORİKS, istifadəsinə göstərişlər

• 2-ci tip şəkərli diabetin müalicəsi; xüsusilə pəhriz və fiziki məşqlərin köməyilə qanda şəkərin səviyyəsinin aşağı salınması mümkün olmayan artıq bədən kütləsinə malik xəstələrdə
• Böyüklərdə monoterapiya və ya şəkər xəstəliyinin kompleks müalicəsində digər dərman vasitələri ilə birlikdə
• 10 yaş və yuxarı uşaqlarda və yeniyetmələrdə monoterapiya şəklində və ya insulinlə kombinə edilmiş şəkildə
• Qlükoza səviyyəsinin normallaşdırılması mümkün olmayan, prediabetik risk faktorları olan şəxslərdə

Əks göstərişlər

• Təsir edici maddəyə və ya inqrediyentlərdən hər hansı birinə qarşı yüksək həssaslıq
• Böyrək və qaraciyər çatışmazlığı
• Hiperqlikemiya, dehidratasiya, ketoasidoz, metabolik asidoz
• Ağır infeksiyalar, toxuma hipoksiyası, kəskin və xroniki xəstəliklər
• Xroniki alkoqolizm və alkoqol ilə kəskin zəhərlənmə
• Laktasiya dövrü

Hamiləlik və laktasiya dövründə istifadəsi

Hamiləlik zamanı əsasən insulin tövsiyə olunur. Laktasiya dövründə istifadəsi əks göstərişdir.

METFORİKS, istifadə qaydası

• Başlanğıc doza gündə 2–3 dəfə yemək zamanı və ya sonra 500 mq və ya 850 mq
• Maksimum doza: 3000 mq/gün
• Uşaqlarda (10 yaş və yuxarı): başlanğıc 500–850 mq/gün, maksimum 2000 mq/gün
• Tabletlər çeynənmədən, kifayət qədər su ilə qəbul olunmalıdır

Əlavə təsirləri

• Laktoasidoz (böyrək çatışmazlığı zamanı ciddi risk)
• Şüur pozğunluğu, başgicəllənmə, yuxu pozğunluğu, qusma, metabolik asidoz
• Qaraciyər fermentlərinin artması, hepatit, xolestatik hepatit
• Qanda B12 vitaminin azalması, anemiya
• Dəri reaksiyaları: səpgi, övrə, qaşınma
• Ürəkbulanma, qusma, ishal, qarın ağrısı, köp (müalicənin əvvəlində)