Metforiks 850 Mq N100 Tablet

METFORİKS, 850 mq örtüklü tabletlər

Metforiks tərkibi

Təsir edici maddə: 1 tabletin tərkibində 662,90 mq metforminə ekvivalent miqdarda 850 mq metformin hidroxlorid vardır.
Köməkçi maddələr: PVP K90 (Kollidon 90F), maqnezium stearat, təmiz opadri II85F190000 (polivinil spirti, polietilenqlikol, makraqol, talk).

Əks göstərişlər

• Təsiredici maddəyə və ya inqrediyentlərdən hər hansı birinə qarşı yüksək həssaslıq (allergiya)
• Böyrək və qaraciyər çatışmazlığı və böyrəklərin funksional pozğunluğu olan xəstələr (qlomerulyar filtrasiya dərəcəsi dəqiqədə 45 ml-dən azdırsa).
• Ketoasidoz, metabolik asidoz, dehidratasiya halları.
• Bronx, ağciyər və ya böyrəklərə ciddi təsir göstərə biləcək infeksiya riski olduqda.
• Toxuma hipoksiyası ilə müşayiət olunan xəstəliklər (ürək çatışmazlığı, miokard infarktı və s.).
• Xroniki alkoqolizm və ya alkoqol ilə kəskin zəhərlənmə.
• Laktasiya dövrü.

Hamiləlik və laktasiya dövründə istifadəsi

Hamiləlik zamanı əsasən insulinin istifadəsi tövsiyə edilir. Hamiləlik dövründə METFORİKS istifadəsi yalnız həkim göstərişi ilə mümkündür.
Laktasiya dövründə metformin istifadəsi tövsiyə olunmur.

Nəqliyyat vasitələrini və potensial təhlükəli mexanizmləri idarəetmə qabiliyyətinə təsiri

METFORİKS-in monoterapiya şəklində istifadəsi hipoqlikemiya törətmir. Buna görə də nəqliyyat vasitələrini idarəetmə qabiliyyətinə təsir göstərmir. Lakin digər antidiabetik dərmanlarla (sulfonilamidlər, insulin və s.) birlikdə istifadədə diqqətli olmaq lazımdır.

Metforiks istifadə qaydası, dozası

• Standart başlanğıc doza: gündə 2-3 dəfə qida ilə və ya qida qəbulundan sonra 500 mq və ya 850 mq 1 tablet.
• Maksimal doza: gündəlik 3000 mq (3 doza şəklində bölünərək qəbul edilir).
• Uşaqlar (10 yaş və yuxarı): başlanğıc doza gündə 1 dəfə 500 mq və ya 850 mq. Maksimal doza 2000 mq/gün.
• Yaşlı xəstələrdə və böyrək funksiyası zəif olanlarda doza həkim tərəfindən tənzimlənməlidir.
Tabletlər çeynənmədən və əzmədən bol su ilə qəbul edilməlidir.