Metformin-Denk 1000 Mq N30 Tablet

Metformin Denk, 1000 mq örtüklü tabletlər

Metformin Denk, beynəlxalq patentləşdirilməmiş adı: Metformin

Metformin Denk tərkibi

Təsiredici maddə: 1 tabletin tərkibində 780 mq metforminə ekvivalent 1000 mq metformin hidroxlorid vardır.

İstifadəsinə göstərişlər

2-ci tip şəkərli diabetin müalicəsində, xüsusilə artıq çəkili pasiyentlərdə pəhriz və fiziki məşqlə qandakı qlükozanın nəzarət altına alınması mümkün olmadıqda istifadə olunur. Böyüklərdə tək və ya digər antidiyabetik preparatlarla, uşaqlarda və yeniyetmələrdə isə tək və ya insulinlə birgə tətbiq oluna bilər.

Əks göstərişlər

Metforminə və ya digər komponentlərə qarşı yüksək həssaslıq; qaraciyər problemləri; ağır böyrək çatışmazlığı; ağır hiperqlikemiya, laktoasidoz, ketoasidoz; dehidratasiya; kəskin ürək çatışmazlığı; yaxın zamanda keçirilmiş infarkt və ya şok; alkoqol qəbulu və ya intoksikasiyası.

Hamiləlik və laktasiya dövründə istifadəsi

Hamiləlik zamanı insulinlə müalicə tövsiyə olunur. Laktasiya zamanı bu preparatın istifadəsi məsləhət görülmür.

Pediatriyada istifadəsi

10 yaş və daha böyük uşaqlar və yeniyetmələrdə istifadə oluna bilər. 10–12 yaş aralığında yalnız həkim nəzarəti ilə istifadə tövsiyə olunur.

Nəqliyyat vasitələrini və digər potensial təhlükəli mexanizmləri idarəetmə qabiliyyətinə təsiri

Metformin təklikdə hipoqlikemiya yaratmadığı üçün bu qabiliyyətə təsir etmir. Lakin digər dərmanlarla birlikdə istifadə olunduqda diqqətli olmaq lazımdır.

Metformin Denk istifadə qaydası

Tabletlər çeynənmədən, yemək zamanı və ya sonra bir stəkan su ilə qəbul olunmalıdır. Gündəlik doza fərdi olaraq həkim tərəfindən təyin edilir.
– Böyüklər: 500 mq və ya 850 mq gündə 2–3 dəfə başlanğıc doza, maksimum gündə 3000 mq
– Uşaqlar (10 yaşdan yuxarı): gündə 1 dəfə 500 mq və ya 850 mq başlanğıc doza, maksimum gündə 2000 mq
– Qəbul olunan dozanın həkim tərəfindən nəzarətdə saxlanması və böyrək funksiyalarının ildə ən azı bir dəfə yoxlanması vacibdir.