Metformin Denk 500 Mq N100 Tablet

Metformin Denk, 500 mq örtüklü tabletlər

Metformin Denk, beynəlxalq patentləşdirilməmiş adı: Metformin

Metformin Denk tərkibi

Təsiredici maddə: 1 tabletin tərkibində 500 mq metformin hidroxlorid vardır (390 mq metforminə ekvivalent).

İstifadəsinə göstərişlər

2-ci tip şəkərli diabetli böyüklərdə və 10 yaşdan yuxarı uşaqlarda pəhriz və idmanla yanaşı monoterapiya və ya insulin və digər antidiabetiklərlə birgə istifadə. Xüsusilə artıq çəkili pasiyentlərdə diabetik fəsadların azaldılmasında faydalı olduğu göstərilmişdir.

Əks göstərişlər

Metforminə və ya digər komponentlərə qarşı yüksək həssaslıq; qaraciyər və böyrək çatışmazlığı; idarəolunmayan diabet; laktoasidoz və ketoasidoz; dehidratasiya; ciddi ürək çatışmazlığı və ya infarkt; tənəffüs çətinliyi; alkoqolizm; rentgen və ya şüa müayinəsi zamanı kontrast maddələrin istifadəsi; böyük cərrahiyyə əməliyyatları öncəsi və sonrası müddət.

Hamiləlik və laktasiya dövründə istifadəsi

Hamiləlikdə insulinlə əvəz olunması tövsiyə olunur. Laktasiya zamanı istifadəsi məsləhət görülmür.

Pediatriyada istifadəsi

10 yaşdan yuxarı uşaqlarda istifadə oluna bilər. 10–12 yaşlı uşaqlarda yalnız həkim nəzarəti ilə tövsiyə olunur.

Nəqliyyat vasitələrini və digər potensial təhlükəli mexanizmləri idarəetmə qabiliyyətinə təsiri

Metformin təkbaşına hipoqlikemiyaya səbəb olmur. Lakin insulin və ya sulfanilurea ilə birgə istifadədə ehtiyatlı olmaq lazımdır.

Metformin Denk istifadə qaydası

Tabletlər yeməklə və ya yeməkdən sonra bütöv şəkildə su ilə qəbul olunur. Böyüklərdə başlanğıc doza gündə 2–3 dəfə 500–850 mq, maksimum doza 3000 mq. 10 yaşdan yuxarı uşaqlarda başlanğıc doza gündə 1 dəfə 500–850 mq, maksimum 2000 mq. Böyrək funksiyası zəif olanlarda doza həkim tərəfindən tənzimlənməlidir.