AKSEN FORT 550MG N10 TB

AKSEN FORT,tabletlər

AKSEN FORT tərkibi

AKSEN FORT tərkibi, 1 tabletin tərkibində 550 mq naproksen natrium vardır

Aksen Fort,istifadəsinə göstərişlər

Ağrı sindromu ilə müşayiət olunan vəziyyətlər: nevralgiya, işialgiya, bel yırtığı, dişlərin ekstraksiyası, ağız boşluğu əməliyyatları, epiziotomiya, doğuşdan sonrakı ağrılar, əməliyyatdan sonrakı ağrılar, dismenoreya, uşaqlıqdaxili spiralın yeridilməsi ilə bağlı ağrılar, miqren tutmalarının profilaktika və müalicəsi. Revmatoid artrit, yuvenil artrit, osteoartrit, ankilozlaşdırıcı spondilit, oynaqdankənar revmatizm. Travmalar, sümük əməliyyatları, podaqra, LOR və uroloji iltihabi ağrılar. İnfeksion xəstəliklər zamanı analgetik və qızdırmasalıcı kimi.

Əks göstərişlər

Naproksenə və ya digər QSİƏP-lərə qarşı yüksək həssaslıq, anamnezdə astma, rinit, nazal poliplər, övrə. Aorto-koronar şuntlama sonrası, aktiv və ya anamnezdə peptik xora və qanaxma, QSİƏP-lərlə bağlı MƏDƏ qanaxması və ya perforasiya, ağır böyrək, qaraciyər və ürək çatışmazlığı, hamiləliyin üçüncü trimestri.

Hamiləlik və laktasiya dövründə istifadəsi

I və II trimestrdə istifadə haqqında kifayət qədər məlumat yoxdur. III trimestrdə arterial axacağın vaxtından əvvəl bağlanma riski səbəbindən istifadə olunmamalıdır. Laktasiya dövründə istifadəsi tövsiyə edilmir.

İstifadə qaydası və dozası

Tabletlər qida ilə və ya sonra bol su ilə qəbul edilir. Ağrılarda başlanğıc doza 550 mq, sonra 6–8 saat sonra əlavə 275–550 mq. Revmatoid artrit və osteoartritdə: gündə 2 dəfə 550 mq. Miqrendə: başlanğıc doza 825 mq, sonra lazım gələrsə 275 mq-lıq 2 əlavə qəbul. Yuvenil artrit: 5 yaşdan yuxarı uşaqlarda 10 mq/kq gündəlik dozada 2 dəfəyə bölünür. Xüsusi qruplarda (yaşlılar, qaraciyər/böyrək çatışmazlığı) ən aşağı effektiv doza tətbiq olunmalıdır.