Analgin 500 Mg N20 Tb

ANALGİN,tabletlər

ANALGİN tərkibi

ANALGİN tərkibi, 1 tabletin tərkibində 500 mq metamizol natrium vardır

Analgin,istifadəsinə göstərişlər

Orta və güclü ağrılar (baş, diş, nevralgiya, nevrit, mialgiya, travma, yanıqlar, əməliyyatdan sonra ağrılar, fantom ağrıları, alqomenoreya, onkoloji xəstəliklər, böyrək və qaraciyər sancıları), qızdırma.

Əks göstərişlər

Metamizola və ya digər komponentlərə qarşı allergiya; kəskin qaraciyər porfiriyası; G6PD çatışmazlığı; ağır böyrək və qaraciyər xəstəlikləri; sümük iliyi funksiyası pozulması və ya qan xəstəlikləri; hamiləlik (son 3 ay).

Hamiləlik və laktasiya dövründə istifadəsi

Hamiləliyin ilk trimestrində istifadə edilməməlidir. İkinci trimestrdə yalnız fayda/risk nisbətinə əsasən mümkündür. Son 3 ayda istifadəsi tövsiyə olunmur. Laktasiya zamanı metamizolun parçalanma məhsulları südə keçir – bu səbəbdən təkrar istifadədən imtina edilməlidir. Tək dozada qəbul zamanı 48 saat süd vermək olmaz.

İstifadə qaydası və dozası

Tabletlər daxilə qəbul olunur. Böyüklər və 15 yaşdan yuxarı uşaqlar (53 kq-dan çox): 500–1000 mq (1–2 tablet), lazım olduqda gündə 4 dəfə (maksimum 4000 mq/gün). 14 yaşdan aşağı uşaqlara: 8–16 mq/kq, gündə 4 dəfə. 65 yaşdan yuxarı pasiyentlərdə adətən dozanın azaldılmasına ehtiyac yoxdur, lakin qaraciyər və böyrək pozğunluğu olanlarda ehtiyatla istifadə olunmalıdır. Maksimum qəbul müddəti: 3–5 gün. Spirtli içkilərlə birgə istifadəsi məsləhət görülmür.