Azitro-denk 500 mq N3 tablet

 Azitro-Denk, 500 mg  örtüklü tabletlər 

Azitro-Denk  tərkibi

Təsiredici maddə:  1  tabletin tərkibində 500 mq azitromisinə ekvivalent azitromisin monohidrat  
vardır. 

Əks göstərişlər 

Azitromisinə, eritromisinə və ya digər makrolid və ya ketolid antibiotiklərinə, yaxud preparatın 
hər hansı bir komponentinə qarşı yüksək həssaslıq.

Hamiləlik və laktasiya dövründə istifadəsi 

Əgər siz hamiləsinizsə və ya körpəni ana südü ilə qidalandırırsınızsa, yaxud hamilə ola 
biləcəyinizi ehtimal edirsinizsə və ya hamiləliyi planlaşdırırsınızsa, bu dərman preparatını qəbul 
etməzdən əvvəl həkimlə və ya əczaçı ilə məsləhətləşin. 
Hamiləlik 
Hamiləlik dövründə azitromisinin istifadəsi barədə kifayət qədər məlumat yoxdur. Bu səbəbdən 
hamiləlik dövründə, həkiminiz tərəfindən tövsiyə edilmədikdə Azitro-Denk qəbul edilməməlidir. 
Laktasiya 
Azitromisin ana südünə nüfüz edir. Azitromisinin ana südü ilə qidalanan körpələrə zərəri barədə 
tədqiqatlar aparılmayıb, bu səbəbdən Azitro-Denk ilə müalicə zamanı ana südü ilə qidalanmanı 
dayandırmaq lazımdır. Ana südü ilə qidalanan körpələrdə həssaslıq, bağırsaq florasının 
qıcıqlanması və maya göbələyin kolonizasiyası baş verə bilər. Müalicə zamanı və müalicə 
bitdikdən 2 gün sonra südün atılması tövsiyə olunur. Bundan sonra ana südü ilə qidalanma bərpa 
edilə bilər.

İstifadə qaydası və dozası 

Preparatı həmişə həkiminizin tövsiyə etdiyi kimi istifadə edin. Əmin olmadığınız halda 
həkiminizə və ya əczaçınıza müraciət edin. 
Həkim tərəfindən başqa göstəriş olmadıqda, 45 kq-dan çox olan böyüklər və yeniyetmələr üçün 
tövsiyə olunan dozalar: 
Yuxarı və aşağı tənəffüs yollarının, qulaq infeksiyalarının, dərinin və yumşaq toxumaların 
infeksiyaları zamanı. 
3 və ya 5 gün ərzində, ümumi doza 1500 mq təşkil edir.  
3 günlük kurs: 
3 gün ərzində gündə bir dəfə 1 tablet (500 mq azitromisin) 
5 günlük kurs: 
Alternativ olaraq, ümumi dozanı (1500 mq) 5 gün ərzində qəbul etmək olar, ilk gündə 1 tablet 
(500 mq azitromisin), növbəti 4 gün ½ tablet (250 mq azitromisin). 
Cinsi yolla ötürülən infeksiyalar zamanı. ‒ Chlamydia trachomatis: ümumi doza 1000 mq azitromisindir. ‒ Neisseria gonorrhoeae: tövsiyə olunan doza, yerli klinik müalicə qaydalarından asılı olaraq, 250 mq və ya 500 mq seftriakson ilə 1000 mq və ya 2000 mq azitromisin 
kompleks müalicədə. Penisillin və / və ya sefalosporinlərə qarşı allergiyası olan 
pasiyentlərə həkim alternativ müaicə təyin edə bilər. 
Böyrək funksiyasının çatışmazlığı 
Yüngül və orta dərəcədə pozulmuş böyrək funksiyası olan pasiyentlər üçün dozanın 
tənzimlənməsi tələb olunmur (GFR 10-80 ml / dəq). 
Qaraciyər funksiyasının çatışmazlığı. 
Qaraciyərin yüngül və orta dərəcədə pozğunluğu olan pasiyentlər üçün dozanın tənzimlənməsi 
tələb olunmur. 
Qaraciyər və ya böyrək problemləri olan pasiyentlərə, preparatın qəbulundan əvvəl həkimlə 
məsləhətləşmək tövsiyyə olunur. Dozanın tənzimlənməsinin lazım olub olmadığına qərarı həkim 
verəcəkdir. 
Uşaqlar və yeniyetmələr 
45 kq-dan az olan uşaqlar və yeniyetmələr üçün azitromisinin digər dərman formaları, məsələn 
suspenziyalar mövcuddur. 
Yaşlı xəstələr 
Yaşlılara böyüklər üçün tətbiq olunan dozalar istifadə olunur. 
Yaşlı pasiyentlər cavanlara nisbətən ciddi ürək ritm pozğunluqlarına (torsade de pointes 
aritmiyası) daha çox həssasdırlar. 
Preparatın qəbulu  
Azitro-Denk yeməklə və ya olmadan qəbul edilə bilər. Tabletlər bir az maye ilə udulmalıdır. 
Tablet bərabər dozaya bölünə bilər. 
Müalicə müddəti 
Azitro-Denk 3 günlük müalicə rejimində 3 gün ərzində və ya 5 günlük müalicə rejimində 5 gün 
ərzində qəbul olunur. 
Ağciyərin iltihabının (pnevmoniya) müalicəsində azitromisinin 5 günlük istifadəsi effektivdir. 
Əksər hallarda 3 günlük müalicənin istifadəsi kifayət edir. 
Azitro- Denk təsirinin çox güclü və ya çox zəif olduğunu hiss edirsinizsə, həkiminizə bu barədə 
məlumat verin 
Azitro-Denk preparatının istifadəsi unudularsa  
Azitro-Denk preparatını təyin olunmuş dozasından az qəbul etdikdə, bu fərqi görən kimi 
preparatın unudulmuş miqdarını qəbul etmək lazımdır. Növbəti doza əvvəlcədən təyin olunmuş 
vaxtda qəbul olunur. 
Bir doza qəbul etməyi unutduqda, növbəti doza öz vaxtında qəbul edilməlidir. Unudulmuş 
dozanı əvəz etmək üçün ikiqat doza istifadə edilməməlidir, əksinə müalicə kursu bir günə 
uzadılmalıdır. Həkim tərəfindən təyin olunan preparatın ümumi miqdarını qəbul etmək və bu 
barədə həkiminizə məlumat vermək lazımdır. 
Azitro-Denk ilə müalicə dayandırılarsa 
Azitro-Denki həkim tərəfindən təyin olunan formada sona qədər qəbul etmək və heç bir halda 
həkiminizlə məsləhətləşmədən preparatın qəbulunu dayandırmaq olmaz. 
Bu dərman preparatının istifadəsi ilə bağlı suallarınız yarandıqda, həkiminizlə və ya əczacı ilə 
məsləhətləşin.