AZOKSIN 200/5MG 15ML SUSP

AZOKSİN, 200 mq/5 ml oral suspenziya hazırlamaq üçün toz

AZOKSİN tərkibi

AZOKSİN tərkibi, hazır 5 ml suspenziyanın tərkibində 200 mq azitromisinə müvafiq 209,64 mq azitromisin dihidrat vardır

Azoksin, istifadəsinə göstərişlər

AZOKSİN, həssas mikrofloranın törətdiyi yüngül və orta dərəcəli infeksion iltihabi xəstəliklər zamanı istifadə edilir. Yuxarı və aşağı tənəffüs yolu infeksiyaları, boğaz və ya burun infeksiyaları (bronxit, pnevmoniya, sinusit kimi); Penisillinə qarşı allergiya olduqda, Streptococcus pyogenes tərəfindən yaranan faringit və tonzillit; Orta qulaq infeksiyaları; dəri və yumşaq toxumaların infeksiyaları (abses, furunkul); Chlamydia və Neisseria gonorrhoeae törədicili cinsi yolla ötürülən infeksiyalar; Haemophilus ducrei ilə törədilmiş yumşaq toxuma xorası.

Əks göstərişlər

Preparatın komponentlərinə və makrolid antibiotiklərinə (eritromisin, klaritromisin) qarşı yüksək həssaslıq; qaraciyər xəstəlikləri; erqotamin kimi çovdar mahmazı alkaloid törəmələri ilə eyni vaxtda istifadə.

Hamiləlik və laktasiya dövründə istifadəsi

Hamiləlik zamanı azitromisin istifadəsi barədə klinik məlumat yoxdur. Heyvanlar üzərində aparılan tədqiqatlarda dölə zərər verilməmişdir. İnsanlar üçün risk məlum deyil, yalnız zəruri hallarda istifadə edilməlidir. Azitromisinin ana südünə keçib-keçmədiyi məlum deyil. Qərar verərkən ana və körpə üçün fayda/risk nisbəti nəzərə alınmalıdır.

İstifadə qaydası və dozası

AZOKSİN suspenziyası qida qəbulundan 1 saat əvvəl və ya 2 saat sonra qəbul edilməlidir. Yuxarı və aşağı tənəffüs yollarının, qulaq-burun-boğaz, dəri və yumşaq toxuma infeksiyalarında: 10 mq/kq hesabı ilə sutkada 1 dəfə təyin edilir.