Azoksin 250 mq N6 tablet

Azoksin, 250 mq örtüklü tabletlər

Azoksin, beynəlxalq patentləşdirilməmiş adı: Azithromycin

Azoksin tərkibi

Təsiredici maddə: 1 tabletin tərkibində 250 mq azitromisinə uyğun 262,05 mq azitromisin dihidrat vardır.

İstifadəsinə göstərişlər

Azoksin həssas mikrofloranın törətdiyi yüngül və orta dərəcəli infeksion iltihabi xəstəliklər zamanı istifadə edilir: yuxarı və aşağı tənəffüs yolu infeksiyaları, boğaz və burun infeksiyaları (bronxit, pnevmoniya, sinusit), Streptococcus pyogenes törədicisi tərəfindən yaranan faringit və tonzillit, orta qulaq infeksiyaları, dəri və yumşaq toxuma infeksiyaları, Chlamydia ilə törədilmiş cinsi yolla ötürülən xəstəliklər, Haemophilus ducrei və Neisseria gonorrhoeae ilə bağlı infeksiyalar.

Əks göstərişlər

Preparatın komponentlərinə və ya makrolid antibiotiklərinə qarşı yüksək həssaslıq; qaraciyər xəstəlikləri; erqotamin kimi çovdar mahmızının alkaloidləri ilə eyni vaxtda istifadə.

Hamiləlik və laktasiya dövründə istifadəsi

Hamiləlik dövründə yalnız zəruri hallarda istifadə olunmalıdır. Laktasiya zamanı preparatla müalicə və ya ana südü ilə qidalandırmanın dayandırılması barədə qərar fayda-risk baxımından verilməlidir.

Pediatriyada istifadəsi

Bədən çəkisi 45 kq-dan yuxarı uşaqlarda böyüklərə uyğun doza tətbiq olunur. Tonzillit/faringit zamanı 5 gün (1-ci gün 500 mq, 2–5-ci günlər 250 mq); digər hallarda ümumi maksimum doza 1500 mq. 6 aydan aşağı körpələrdə istifadəsi tövsiyə edilmir.

Nəqliyyat vasitələrini və digər potensial təhlükəli mexanizmləri idarəetmə qabiliyyətinə təsiri

Naqliyyat vasitələrini və digər potensial təhlükəli mexanizmləri idarəetmə qabiliyyətinə mənfi təsir etmir.

Azoksin istifadə qaydası

Tabletlər yeməkdən 1 saat əvvəl və ya 2 saat sonra qəbul edilməlidir.
– Cinsi yolla ötürülən infeksiyalar: 1000 mq birdəfəlik doza
– Faringit/tonzillit: 1-ci gün 500 mq, 2–5-ci günlər 250 mq
– Digər hallarda: 3 gün ərzində gündə 500 mq (ümumi doza 1500 mq)
Zəif və orta dərəcəli böyrək və qaraciyər çatışmazlığı zamanı doza dəyişməz; ağır hallarda istifadə edilməməlidir.