BIMAKS 20MG 50ML SUSP

Bimaks, 100 mq/5 ml oral suspenziya

Bimaks, beynəlxalq patentləşdirilməmiş adı: Cefixime

Bimaks tərkibi

Təsiredici maddə: 5 ml hazır suspenziyanın tərkibində 100 mq sefiksim vardır.

İstifadəsinə göstərişlər

Sefiksimə həssas olan mikroorqanizmlər tərəfindən törədilən infeksiyaların müalicəsi:
• Tənəffüs sisteminin infeksiyaları: tonzillit, faringit, orta otit, kəskin və xronik bronxit, pnevmoniya.
• Sidik sisteminin infeksiyaları: kəskin sistit, uretrit, pielonefrit.

Əks göstərişlər

Sefiksimə, digər sefalosporinlərə, həmçinin preparatın tərkibindəki köməkçi maddələrə qarşı yüksək həssaslıq.

Hamiləlik və laktasiya dövründə istifadəsi

Hamiləlik və laktasiya dövründə kifayət qədər tədqiqat aparılmayıb. Mütləq göstəriş olmadıqda sefiksim hamiləlik dövründə istifadə edilməməlidir. Laktasiya zamanı istifadə tələb olunarsa, ana südü ilə qidalandırmanın müvəqqəti dayandırılması nəzərdən keçirilməlidir.

Pediatriyada istifadəsi

2 yaşdan kiçik uşaqlar: 8 mq/kq/gün – 1 və ya 2 bərabər doza bölünərək.
2-4 yaş: 5 ml/gün
5-8 yaş: 10 ml/gün
9-12 yaş: 15 ml/gün
12 yaşdan yuxarı və çəkisi 50 kq-dan artıq uşaqlar üçün 400 mq/gün tövsiyə olunur.
6 aydan kiçik uşaqlarda effektivlik və təhlükəsizlik müəyyən edilməmişdir.

Nəqliyyat vasitələrini və digər potensial təhlükəli mexanizmləri idarəetmə qabiliyyətinə təsiri

Nəqliyyat vasitələrini və digər potensial təhlükəli mexanizmləri idarəetmə qabiliyyətinə təsiri barədə məlumat yoxdur.

Bimaks istifadə qaydası

Doza yaşa və çəkiyə uyğun təyin olunur. Böyrək çatışmazlığında:
• ≥ 60 ml/dəq – standart doza
• 21-60 ml/dəq – dozanın 75%-i
• < 20 ml/dəq – dozanın 50%-i

Suspenziyanın hazırlanması: Flakonu silkələyin, yarısına qədər qaynadılmış soyuq su əlavə edib çalxalayın. 5 dəqiqə gözləyin, sonra işarəyə qədər su əlavə edib yenidən çalxalayın. Hər istifadədən əvvəl çalxalayın. Hazır suspenziya 14 gün ərzində istifadə olunmalıdır.