BIMAKS 400MG N5 TB

Bimaks, 400 mq örtüklü tabletlər

Bimaks, beynəlxalq patentləşdirilməmiş adı: Cefixime

Bimaks tərkibi

Təsiredici maddə: 1 tabletin tərkibində 400 mq sefiksim vardır.

İstifadəsinə göstərişlər

Sefiksimə həssas olan mikroorqanizmlər tərəfindən törədilən infeksiyaların müalicəsi:
– Tənəffüs sisteminin infeksiyaları: tonzillit, faringit, orta otit, kəskin və xronik bronxit, pnevmoniya;
– Sidik sisteminin infeksiyaları: kəskin sistit, uretrit, pielonefrit;
– Fəsadlaşmamış süzənək: sidik kanalının və uşaqlıq boynunun fəsadlaşmamış süzənəyi.

Əks göstərişlər

Sefiksimə, digər sefalosporinlərə və preparatın tərkibindəki köməkçi maddələrə qarşı yüksək həssaslıq.

Hamiləlik və laktasiya dövründə istifadəsi

Hamiləlik və laktasiya dövründə kifayət qədər tədqiqat aparılmadığı üçün yalnız mütləq göstəriş olduqda istifadə edilməlidir. Laktasiya zamanı istifadə tələb olunarsa, ana südü ilə qidalandırmanın müvəqqəti dayandırılması nəzərdən keçirilməlidir.

Pediatriyada istifadəsi

12 yaşdan kiçik uşaqlarda bu doza forması tövsiyə olunmur.

Nəqliyyat vasitələrini və digər potensial təhlükəli mexanizmləri idarəetmə qabiliyyətinə təsiri

Nəqliyyat vasitələri və digər potensial təhlükəli mexanizmləri idarəetmə qabiliyyətinə təsiri barədə məlumat yoxdur.

Bimaks istifadə qaydası

Böyüklər və 12 yaşdan yuxarı uşaqlar: 400 mq/gün. Gündə 1 dəfə və ya 200 mq gündə 2 dəfə qəbul edilə bilər.
Fəsadlaşmamış sidik sistemi infeksiyaları: 200 mq/gün.
Sidik kanalı və uşaqlıq boynunun fəsadlaşmamış süzənəyi: 400 mq tək doza.

Böyrək çatışmazlığı olan xəstələrdə:
Kreatinin klirensi ≥ 60 ml/dəq – standart doza;
21–60 ml/dəq – standart dozanın 75%-i;
< 20 ml/dəq – standart dozanın 50%-i.

Maksimal dozanın aşılması halında simptomatik və dəstəkləyici müalicə aparılır. Sefiksim hemodializ və peritoneal dializlə əhəmiyyətli dərəcədə xaric olunmur.