Biseptol 40/80 mq 80ml suspenziya

BİSEPTOL,240 mq/5 ml peroral istifadə üçün suspenziya

BİSEPTOL tərkibi

BİSEPTOL tərkibi, 5 ml suspenziyada 200 mq sulfametoksazol və 40 mq trimetoprim vardır. 100 ml suspenziyada 4,0 q sulfametoksazol və 0,8 q trimetoprim mövcuddur.

Biseptol,istifadəsinə göstərişlər

Ko-trimoksazola həssas mikroorqanizmlərin törətdiyi infeksiyalarda: tənəffüs yollarının infeksiyaları (xroniki bronxitin kəskinləşməsi), haymorit, kəskin otit (yalnız bakterioloji təsdiqdən sonra), sidikçıxarıcı yollar və prostat vəzinin infeksiyaları, yumşaq şankr (cinsi yolla ötürülən infeksiya), mədə-bağırsaq infeksiyaları (qarın yatalağı, paratif, bakterial dizenteriya, xolera, səyahətçi diareyası), nokardioz və digər bakterial infeksiyalar zamanı istifadə olunur.

Əks göstərişlər

Tərkibindəki maddələrə və ya sulfonamidlərə qarşı yüksək həssaslıq, ağır qaraciyər və böyrək çatışmazlığı (kreatinin klirensi <15 ml/dəq), qan şəkilində dəyişikliklər, III trimestr hamiləlik, laktasiya dövrü, streptokokk anginası, G6PD çatışmazlığı, ilk 6 həftəlik südəmər uşaqlarda istifadəsi qadağandır.

Hamiləlik və laktasiya dövründə istifadəsi

Hamiləlik zamanı istifadə risklidir. Trimetoprim və sulfametoksazol plasentadan keçir, dölə mənfi təsir göstərə bilər. Fol turşusu antaqonizmi ilə əlaqədar olaraq anadangəlmə qüsurların yaranma riski arta bilər. Xüsusilə I və III trimestrdə istifadə tövsiyə olunmur. Məcburiyyət olduqda fol turşusu ilə birlikdə istifadə nəzərdən keçirilə bilər. Laktasiya dövründə istifadə qadağandır, südvermə dayandırılmalıdır.

İstifadə qaydası və dozası

Uşaqlarda və yeniyetmələrdə adətən 1 kq bədən çəkisinə görə sutkada 6 mq trimetoprim və 30 mq sulfametoksazol təyin olunur. Ağır infeksiyalar zamanı doza 50% artırıla bilər. Dozalanma və istifadəyə dair konkret təlimatlar həkim tərəfindən verilməlidir.