Deksametazon 4 Mq/ 1 ml N10 Ampul

Deksametazon, inyeksiya üçün məhlul

Deksametazon, beynəlxalq patentləşdirilməmiş adı: Dexamethasone

Deksametazon tərkibi

Təsiredici maddə: 1 ml məhlulun tərkibində 4 mq deksametazon natrium fosfat vardır.

İstifadəsinə göstərişlər

Deksametazon endokrin pozğunluqlar, revmatik və kollagen xəstəliklər, dəri, allergik, göz, tənəffüs, hematoloji və onkoloji xəstəliklər, ödem, beyin şişləri, COVID-19 və digər təxirəsalınmaz vəziyyətlərdə istifadə olunur. Preparat həmçinin, uşaqlarda və yenidoğulmuşlarda xüsusi göstərişlərlə tətbiq edilir. Əlavə göstərişlər: beyin ödemi, subaraxnoidal blokada, meningit, trixinoz və s.

Əks göstərişlər

Deksametazona və ya digər komponentlərə qarşı yüksək həssaslıq; laxtalanma pozğunluğu; infeksiyalı oynaq və qeyri-sabit oynaqlarda yerli istifadə; sistem infeksiyalar (əgər müvafiq müalicə aparılmırsa); Kuşinq sindromu; canlı vaksinlə vaksinasiya və s.

Hamiləlik və laktasiya dövründə istifadəsi

Hamiləlik dövründə yalnız təxirəsalınmayan hallarda istifadə edilməlidir. Plasenta vasitəsilə keçir, yüksək dozalarda dölə zərər verə bilər. Laktasiya zamanı istifadəsi tövsiyə olunmur, çünki ana südü ilə ötürülə bilər və körpədə inkişaf geriliyi və digər hormon pozuntuları yarada bilər.

Pediatriyada istifadəsi

Deksametazon uşaqlarda yalnız zərurət olduqda istifadə edilir. Müalicə zamanı uşaqların boy artımı və inkişafı ciddi nəzarətdə saxlanmalıdır. Erkən doğulmuşlarda nevroloji inkişaf pozğunluqları riski müşahidə edilmişdir.

Nəqliyyat vasitələrini və digər potensial təhlükəli mexanizmləri idarəetmə qabiliyyətinə təsiri

Deksametazonun bu qabiliyyətə təsiri barədə məlumat yoxdur. Lakin bəzi hallarda psixi pozğunluqlar və başgicəllənmə riski mövcud ola bilər. Belə simptomlar müşahidə olunarsa, nəqliyyat vasitələrinin idarəsi dayandırılmalıdır.

Deksametazon istifadə qaydası

Preparat vena və ya əzələ daxilinə inyeksiya, infuziya və ya yerli istifadə (oynaq daxilinə, yumşaq toxumalara) şəklində tətbiq olunur. Doza pasiyentin vəziyyətindən, diaqnozdan, yaşından asılı olaraq fərdi təyin edilir. Böyüklərə 0,5–9 mq/sutka başlanğıc doza, uşaqlara 0,02–0,3 mq/kq/sutka dozada istifadə olunur. COVID-19 zamanı 6 mq/sutka doza ilə 10 günədək istifadə edilir. Doza tədricən azaldılmalı, qəfil dayandırılmamalıdır.