Denkap 15 Mq N10 Tablet

Denkap, 15 mq tabletlər

Denkap, beynəlxalq patentləşdirilməmiş adı: Meloxicam

Denkap tərkibi

Təsiredici maddə: 1 tabletin tərkibində 15 mq meloksikam vardır.

İstifadəsinə göstərişlər

Oynaqların revmatoid və degenerativ xəstəliklərinin gedişi zamanı sümük-oynaq və əzələ ağrıları zamanı iltihabəleyhinə və ağrıkəsici dərman kimi istifadə edilir.
Aşağıdakı revmatoid xəstəliklərin kəskinləşməsi zamanı qısamüddətli müalicədə istifadə edilir:
– revmatoid artrit,
– yuvenil revmatoid artrit,
– ankilozlaşdırıcı spondiloartrit (Bexterev xəstəliyi).

Əks göstərişlər

Meloksikama və ya bu preparatın hər hansı komponentinə qarşı allergiya; hamiləliyin üçüncü trimestri; 15 yaşdan aşağı şəxslər; aspirin və digər QSİƏP-lərə qarşı yüksək həssaslıq; əvvəlki QSİƏP istifadəsi zamanı mədə-bağırsaq qanaxması və ya perforasiya; aktiv və ya təkrarlanan xora xəstəliyi və ya qanaxma; ağır qaraciyər və böyrək çatışmazlığı; ürək çatışmazlığı; beyin qanaxması; müxtəlif mənşəli qanaxmalar; laktozaya qarşı dözümsüzlük.

Hamiləlik və laktasiya dövründə istifadəsi

Hamiləlik zamanı, xüsusilə üçüncü trimestrdə DENKAP istifadə edilməməlidir. Laktasiya dövründə istifadəsi tövsiyə edilmir.

Pediatriyada istifadəsi

15 yaşdan aşağı uşaqlarda istifadə olunmamalıdır.

Nəqliyyat vasitələrini və digər potensial təhlükəli mexanizmləri idarəetmə qabiliyyətinə təsiri

Görmə pozuntuları, başgicəllənmə, yuxululuq ola bilər. Bu əlamətlər olduqda nəqliyyat vasitələri və mexanizmlər idarə olunmamalıdır.

Denkap istifadə qaydası

Preparat peroral qəbul edilir. Tövsiyə edilən doza: sutkada 1 tablet (15 mq). Yemək zamanı, maye ilə qəbul edilir. Uşaqlar və 15 yaşdan kiçik yeniyetmələr üçün istifadə olunmur. Müalicə müddəti həkim təyinatı ilə, lakin 7 gündən çox olmamalıdır.