Diklofenak 10 mg 30 q məlhəm

Sefaspor, 10 mq/ml xaricə istifadə üçün məlhəm

Sefaspor, beynəlxalq patentləşdirilməmiş adı: Diclofenac

Sefaspor tərkibi

Təsiredici maddə: 1 tubda (30 q) 0,3 mq diklofenak natrium vardır.

İstifadəsinə göstərişlər

Aşağıdakı hallarda ağrının, iltihabın və ödemin yerli simptomatik müalicəsi üçün:
– vətərlərin, bağların, əzələ və oynaqların travması (məs., dartılma, əzik, gərginlik sonrası ağrılar);
– tendinit, “çiyin-əl” sindromu, bursit, periartropatiya kimi yumşaq toxumanın revmatik xəstəlikləri;
– kiçik və orta ölçülü oynaqların (barmaq, diz) səthi osteoartriti.

Əks göstərişlər

Preparatın komponentlərinə, asetilsalisil turşusuna və digər qeyri-steroid iltihabəleyhinə preparatlara qarşı yüksək həssaslıq, aspirin astması, hamiləlik (III trimestr), laktasiya dövrü, 12 yaşa qədər uşaqlar, dəri örtüyünün tamlığının pozulması.

Hamiləlik və laktasiya dövründə istifadəsi

Hamiləlik dövründə istifadə edilməməlidir. III trimestrdə xüsusilə təhlükəlidir (botallov kanalının bağlanması və doğuş tutmalarının zəifləməsi riski). Laktasiya dövründə istifadəsi tövsiyə edilmir. Zərurət olduqda, preparat süd vəziləri nahiyəsinə, bədənin geniş sahəsinə və uzun müddət istifadə edilməməlidir.

Pediatriyada istifadəsi

12 yaşa qədər uşaqlarda istifadəsi əks göstərişdir.

Nəqliyyat vasitələrini və digər potensial təhlükəli mexanizmləri idarəetmə qabiliyyətinə təsiri

Sistem təsirləri çox nadir hallarda baş verdiyindən, nəqliyyat vasitələrinin idarəsinə təsir etməsi gözlənilmir.

Sefaspor istifadə qaydası

2–4 q məlhəm (albalı və ya qoz ölçüsündə) iltihab sahəsinə nazik təbəqə ilə sürtülür, sutkada 2–3 dəfə istifadə edilir. Əlləri yumaq vacibdir (əgər müalicə olunan nahiyə deyilsə). Maksimal sutkalıq doza 8 q. Müalicə müddəti göstəriş və klinik effektə əsasən təyin olunur. 2 həftəlik istifadə sonrası həkimlə məsləhətləşmək tövsiyə olunur.