Diprospan 1 ml N5 Ampula

DİPROSPAN, inyeksiya üçün suspenziya

DİPROSPAN tərkibi

DİPROSPAN tərkibi, 1 ml suspenziyanın tərkibində 6,43 mq betametazon dipropionat (5 mq betametazona ekvivalent) və 2,63 mq betametazon natrium fosfat (2 mq betametazona ekvivalent) vardır.

Diprospan, istifadəsinə göstərişlər

Əzələdaxili, oynaqdaxili, periartikulyar, dəridaxili və pəncə toxumasına yeridilmə şəklində: allergik vəziyyətlər (bronxial astma, rinit, atopik dermatit, övrə), dermatoloji xəstəliklər (neyrodermit, ekzema, psoriaz və s.), revmatik xəstəliklər (revmatoid artrit, osteoartrit), koallagen və onkoloji xəstəliklər, həmçinin bəzi qastrointestinal, hematoloji və nefroloji xəstəliklərin qısamüddətli və köməkçi müalicəsində istifadə olunur.

Əks göstərişlər

Təsiredici və ya köməkçi maddələrdən hər hansı birinə qarşı yüksək həssaslıq, sistem göbələk infeksiyaları, idiopatik trombositopenik purpura zamanı əzələdaxili yeridilmə.

Hamiləlik və laktasiya dövründə istifadəsi

Qlükokortikosteroidlərin hamiləlik və laktasiya dövründə istifadəsinə dair kifayət qədər məlumat yoxdur. Zəruri hallar istisna olmaqla, istifadə edilməməlidir. Hamiləlik dövründə müalicə olunan qadınların yenidoğulmuşları böyrəküstü vəzilərin çatışmazlığı və digər mümkün təsirlər baxımından nəzarət altında saxlanılmalıdır. Preparat plasentadan keçərək dölə təsir göstərə və ana südünə keçə bilər.

İstifadə qaydası və dozası

Doza pasiyentin vəziyyətindən, xəstəliyin növü və ağırlığından asılı olaraq fərdi seçilir. Əzələdaxili istifadə üçün adətən 1–2 ml təyin olunur. Oynaqdaxili yeridilmə zamanı doza oynaq ölçüsünə görə 0,25–2 ml arasında dəyişir. Dəridaxili və pəncə nahiyəsinə yeridilmə zamanı isə 0,2–0,5 ml təşkil edir. Venadaxili və dərialtı yeridilmək üçün nəzərdə tutulmayıb. İstifadədən əvvəl məhlul çalxalanmalıdır.