Duskonal Retard 200MG N30 Cap

Duskonal retard, uzunmüddətli təsirə malik kapsullar 

Duskonal retard tərkibi

Təsiredici maddə:  1 kapsulda 200 mq mebeverin hidroxlorid vardır.

Əks göstərişlər 

Preparatın istənilən komponentinə qarşı yüksək həssaslıq; 
paralitik ileus. 

Hamiləlik və laktasiya dövründə istifadəsi 

Hamiləlik 
Mebeverinin hamilə qadınlarda istifadəsinə dair klinik məlumatların sayı kifayət qədər deyil. 
Heyvanlar üzərində reproduktiv toksiklik tədqiqatlar aparılmayıb. 
Hamiləlik dövründə preparatın istifadəsi məsləhət görülmür. 

Laktasiya 
Mebeverinin və onun metabolitlərinin insanda ana südünə ekskresiya etməsi məlum deyil. 
Klinikayaqədərki tədqiqatlar aparılmamışdır. 
Laktasiya dövründə preparatı istifadə etmək olmaz. 

Fertillik 
Mebeverinin kişilərdə və qadınlarda fertilliyə təsiri barədə klinik məlumatlar yoxdur, lakin 
heyvanlarda aparılan tədqiqatlar mebeverinin arzuolunmayan təsirini aşkar etməmişdir. 

İstifadə qaydası və dozası                                                                                                       

Dozalanması 
Böyüklər 
Preparatı sutkada 2 dəfə, səhər və axşam 1 kapsul qəbul etmək lazımdır. 
Uşaqlar və 18 yaşa qədər yeniyetmələr 
Uşaqlarda və 18 yaşa qədər yeniyetmələrdə preparatın istifadəsinin təhlükəsizliyi və effektivliyi 
barədə kifayət qədər məlumatın olmamasını nəzərə alaraq, həmin kateqoriyadan olan 
pasiyentlərdə preparatın istifadəsi nəzərdə tutulmamışdır. 
Xüsusi pasiyent qrupları 
Yaşlı pasiyentlərdə, böyrək və/və ya qaraciyər funksiyalarının pozğunluqları qeyd olunan 
pasiyentlərdə preparatın dozalanma rejimlərinin öyrənilməsi istiqamətində tədqiqatlar 
aparılmamışdır. Qeydiyyatdan sonrakı tədqiqatlardan əldə olunan məlumatlara əsasən, yaşlı 
pasiyentlər, böyrək və/və ya qaraciyər funksiyalarının pozğunluqları qeyd olunan pasiyentlər 
üçün spesifik risklər aşkar edilməmişdir. Göstərilən pasiyent qruplarında preparatın dozalarının 
korreksiyası tələb olunmur. 

İstifadə qaydası 
Preparat daxilə istifadə etmək üçün nəzərdə tutulmuşdur. 
Kapsulları daxilə, kifayət qədər (100 ml-dən az olmayaraq) su ilə birlikdə qəbul etmək lazımdır. 
Kapsulların örtüyü təsiredici maddənin tədricən azadolması mexanizminin təmin edilməsi üçün 
nəzərdə tutulmuşdur və bu səbəbdən, kapsulları çeynəmək olmaz. 
Preparatın istifadə müddəti məhdud deyildir.