Faktazidim 1 qr N1 ampul

FAKTAZİDİM, venadaxili və ya əzələdaxili istifadə üçün məhlul hazırlamaq üçün toz.

Faktazidim tərkibi 

Təsiredici maddə:1 flakonda 500 mq (582 mq seftazidim pentahidrat duzu şəklində) və ya 1 q seftazidim (1164 mq seftazidim pentahidrat duzu şəklində) vardır. Köməkçi maddələr: susuz natrium karbonat. Həlledici: inyeksiya üçün su.

İstifadəsinə göstərişlər:

 Faktazidim preparatının istifadəsi, böyüklərdə və yenidoğulmuşlar daxil olmaqla, uşaqlarda (həyatlarının ilk günlərindən) aşağıda göstərilən infeksion xəstəliklərin müalicəsi üçün göstərişdir:

 − xəstəxanadaxili pnevmoniya;

 − mukovissidozdan əziyyət çəkən pasiyentlərdə bronx-ağciyər infeksiyaları;

 − bakterial meningit;

 − xroniki irinli orta otit;

 − bədxassəli xarici otit;

 − sidik-ifrazat yollarının ağırlaşmış infeksiyaları;

 − dərinin və yumşaq toxumaların ağırlaşmış infeksiyaları;

 − qarın boşluğu orqanlarının ağırlaşmış infeksiyaları;

 − sümük və oynaq infeksiyaları;

 − MAPD (müntəzən ambulator peritoneal dializ) prosedurları aparılan pasiyentlərdə dializ ilə əlaqəli peritonit. Yuxarıda göstərilən infeksion xəstəliklərdən hər hansı birinin mövcudluğu və ya ehtimalı ilə əlaqəli bakteriemiya qeyd olunan pasiyentlərin müalicəsi. Seftazidimi, ehtimal ki, bakterial infeksiya nəticəsində qızdırma qeyd olunan neytropeniyalı pasiyentlərin müalicəsi üçün istifadə etmək olar. Seftazidimi seçdikdə, onun əsasən, aerob qrammənfi bakteriyalarla məhdudlaşan antibakterial təsir spektrini nəzərə almaq lazımdır Göstərilən bölgədə antibakterial preparatların müvafiq istifadəsi üzrə rəsmi tövsiyələri nəzərə almaq lazımdır.

Əks göstərişlər:

 Preparata və ya digər sefalosporinlərə və ya beta-laktam qrupuna aid olan antibiotiklərə (penisillinlər, monobaktamlar, karbapenemlər) qarşı yüksək həssaslıq.

Hamiləlik və laktasiya dövründə istifadəsi:

 Seftazidim digər sefalosporinlər kimi plasentadan (ciftdən) keçir, bununla əlaqədar preparatı hamilə qadınlara həyati vacib vəziyyətlərdə, ana üçün gözlənilən fayda döl üçün potensial riskdən üstün olduda təyin etmək mümkündür. Laktasiya dövründə preparatın istifadə olunması üçün zərurət yaranarsa, ana südü ilə qidalandırmanı dayandırmaq lazımdır.

Faktazidim istifadə qaydası, dozası

Doza infeksiyanın ağırlığından, törədicilərin preparata qarşı həssaslığından, infeksiyanın lokalizasiyasından və tipindən, habelə pasiyentin yaşından və böyrək funksiyasının vəziyyətindən asılı olaraq fərdi olaraq müəyyən olunur. Faktazidim preparatını həkim tövsiyələrinə müvafiq istifadə etmək tələb olunur. İstənilən şübhə meydana çıxdığı halda, həkimlə məsləhətləşmək vacibdir.. Uşaqlar və yeniyetmələr Yenidoğulmuşlara və ≤ 2 aylıq südəmər körpələrə fasiləsiz infuziya şəklində yeridilən Faktazidim preparatının təhlükəsizliyi və effektivliyi müəyyən edilməmişdir. Yaşlı pasiyentlər Yaşlı pasiyentlərdə seftazidimin klirensinin yaşla əlaqəli aşağı düşməsini nəzərə alaraq, yaşı 80-dən yuxarı olan pasiyentlər üçün adətən, sutkalıq doza 3 qramdan artıq olmamalıdır. Qaraciyər funksiyalarının pozulması Mövcud məlumatlar, qaraciyər funksiyalarının yüngül və ya orta dərəcəli zədələnməsi zamanı preparatın dozasının korreksiyasının zəruriliyini təsdiq etmir. Qaraciyər funksiyalarının ağır pozğunluqları qeyd olunan pasiyentlərə dair heç bir tədqiqat məlumatı yoxdur (“Farmakokinetikası” bölməsinə bax). Preparatın təhlükəsizliyinə və effektivliyinə diqqətli klinik müşahidənin aparılması tövsiyə olunur. Böyrək funksiyalarının pozulması Seftazidim böyrəklər vasitəsi ilə dəyişilməmiş şəkildə xaric olunur. Bu səbəbdən, böyrək funksiyalarının pozulması qeyd olunan pasiyentlərdə preparatın dozasını aşağı salmaq lazımdır (“Xüsusi göstərişlər və ehtiyat tədbirləri” bölməsinə bax). Seftazidimin başlanğıc yükləyici dozası 1 q təşkil etməlidir. Dəstəkləyici dozaları kreatinin klirensi əsasında müəyyən etmək lazımdır. Böyrək çatışmazlığı və ağır infeksiyalar qeyd olunan pasiyentlərdə preparatın birdəfəlik dozasını 50% artırmaq və ya preparatın yeridilmə tezliyini artırmaq lazımdır. Uşaqlarda kreatinin klirensini bədən səthinin sahəsinə və ya piysiz hesablanmış bədən çəkisinə əsasən korreksiya etmək lazımdır. Preparatın təhlükəsizliyinə və effektivliyinə diqqətli klinik müşahidənin aparılması tövsiyə olunur. Dozaları ehtiyatla seçmək lazımdır. Preparatın təhlükəsizliyinə və effektivliyinə diqqətli klinik müşahidənin aparılması tövsiyə olunur. Bədən çəkisi < 40 kq olan uşaqlar Böyrək funkasiyalarının pozulması qeyd olunan bədən çəkisi < 40 kq olan uşaqlar üçün, fasiləsiz infuziya şəklində yeridilən Faktazidim preparatının təhlükəsizliyi və effektivliyi müəyyən edilməmişdir. Preparatın təhlükəsizliyinə və effektivliyinə diqqətli klinik müşahidənin aparılması tövsiyə olunur. Böyrək funksiyalarının pozulması qeyd olunan uşaqlara fasiləsiz infuziya təyin edildiyi halda, kreatinin klirensini bədən səthinin sahəsinə və ya piysiz hesablanmış bədən çəkisinə əsasən korreksiya etmək lazımdır. Hemodializ Hemodializ müddətində qan zərdabından seftazidimin yarımxaricolma dövrü 3 saatdan 5 saata qədər təşkil edir. Hər bir hemodializ seansından sonra, seftazidimin dəstəkləyici dozasının yeridilməsini, aşağıda göstərilən cədvəldə tövsiyə olunduğu kimi təkrarlamaq lazımdır. Peritoneal dializ Seftazidimi peritoneal dializ və müntəzəm ambulator peritoneal dializ (MAPD) zamanı istifadə etmək olar. Seftazidimi vena daxilinə yeritməklə yanaşı, dializatla birlikdə yeritmək mümkündür (adətən, 2 litr dializ üçün məhlula 125-250 mq). İntensiv terapiya şöbələrində fasiləsiz arterio-venoz hemodializ və ya yüksəkaxarlı hemofiltrasiya proseduraları aparılan böyrək çatışmazlığından əziyyət çəkən pasiyentlər üçün: 1 q/sutkada dozada birdəfəlik yeridilmə və ya iki dəfəyə bölünmüş yeridilmə şəklində. Aşağıaxarlı hemofiltrasiya zamanı, böyrək funksiyalarının pozulması qeyd olunan pasiyentlər üçün dozaların seçilməsinə dair tövsiyələri əsas tutmaq lazımdır. Vena-venoz hemofiltrasiya və vena-venoz hemodializ proseduraları aparılan pasiyentlər üçün dozaların seçilməsinə dair tövsiyələr, aşağıdakı cədvəllərdə göstərilmişdir. İstifadə qaydası Faktazidim preparatı venadaxili inyeksiya və ya infuziya şəklində və ya əzələ daxilinə inyeksiya şəklində dərin yeritmək üçün nəzərdə tutulmuşdur. Əzələ daxilinə yeritmək üçün tövsiyə olunan nahiyələr aşağıda göstərilmişdir: böyük sağrı əzələsinin yuxarı xarici kvadratı və ya bud nahiyəsinin lateral hissəsi. Faktazidim preparatının məhlulunu, bilavasitə vena daxilinə və ya pasiyentə parenteral məhlullar yeridildiyi halda, venadaxili infuziyalar üçün sistemə yeritmək olar. Tövsiyə olunan standart yeridilmə üsullarına vaxtaşırı venadaxili inyeksiyalar və ya fasiləsiz venadaxili infuziya aiddir. Preparatın əzələ daxilinə yeridilməsini yalnız, vena daxilinə yeridilmə mümkün olmadığı halda və ya bu üsulla yeridilmə pasiyent üçün kifayət qədər yararlı olmadığı təqdirdə, nəzərdən keçirmək lazımdır. Preparatın dozası infeksiyanın ağırlıq dərəcəsindən, həssaslığından, lokalizasiyasından və növündən, eləcə də, pasiyentin yaşından və böyrək funksiyalarının vəziyyətindən asılıdır. Dərman maddəsinin istifadəsi müddətində pasiyent preparatın təsirinin həddindən artıq güclü və ya zəif olduğunu hiss etdiyi halda, həkimə müraciət etmək lazımdır. Dərman preparatının istifadəyə hazırlanması və onun qalıqlarının ləğv edilməsinə dair təlimat Faktazidim preparatı yerləşdirilən flakonların içərisində təzyiq, atmosfer təzyiqindən aşağıdır. Tozu həll etdikdə, karbon qazının əmələ gəlməsi nəticəsində təzyiq yüksəlir. Hazırlanmış məhlulun içərisində əmələ gələn karbon qazı qovuqcuqlarını nəzərə almamaq lazımdır. Dərman preparatının istifadəyə hazırlanmasına dair təlimat Dozaların bir qismi tələb olunduğu hallarda, müəyyən həcmlər əlavə edildikdə, əldə olunan konsentrasiyalar qeyd olunan cədvəllə tanış olmaq lazımdır. Məhlulun açıq-sarıdan kəhrəba rənginə qədər boyanması, onun konsentrasiyasından, həlledicinin növündən və saxlanma şəraitindən asılıdır. Tövsiyələrə düzgün riayət etdikdə, məhlulun rənginin dəyişməsi preparatın effektivliyinə mənfi təsir göstərmir. Seftazidimin konsentrasiyası 1 mq/ml-dən 40 mq/ml-ə qədər olan venadaxili infuziyalar üçün məhlulun hazırlanması üçün, aşağıda göstərilən həlledicilərdən istifadə etmək olar: - inyeksiya üçün 9 mq/ml (0,9%-li) natrium xlorid məhlulu; - inyeksiya üçün M/6 natrium laktat məhlulu; - inyeksiya üçün mürəkkəb natrium laktat məhlulu (Xartman məhlulu); - inyeksiya üçün 5%-li qlükoza məhlulu; - inyeksiya üçün 0,225%-li natrium xlorid məhlulu 5%-li qlükoza məhlulu ilə birlikdə; - inyeksiya üçün 0,45%-li natrium xlorid məhlulu 5%-li qlükoza məhlulu ilə birlikdə; - inyeksiya üçün 0,9%-li natrium xlorid məhlulu 5%-li qlükoza məhlulu ilə birlikdə; - inyeksiya üçün 0,18%-li natrium xlorid məhlulu 4%-li qlükoza məhlulu ilə birlikdə; - inyeksiya üçün 10%-li qlükoza məhlulu; - inyeksiya üçün 0,9%-li natrium xlorid məhlulunda 10%-li dekstran 40 məhlulu; - inyeksiya üçün 5%-li natrium xlorid məhlulunda 10%-li dekstran 40 məhlulu; - inyeksiya üçün 0,9%-li natrium xlorid məhlulunda 6%-li dekstran 70 məhlulu; - inyeksiya üçün 5%-li natrium xlorid məhlulunda 6%-li dekstran 70 məhlulu. Seftazidim 0,05 mq/ml və 0,25 mq/ml göstəricilərə yaxın konsentrasiyalarda, peritoneal dializ üçün (laktat) məhlula müvafiqdir. Əzələdaxili inyeksiyalar üçün seftazidimi, tərkibində 0,5%-li və ya 1%-li lidokain hidroxlorid olan inyeksiya üçün məhlulda həll etmək olar. 1,5 ml inyeksiya üçün suda həll olunmuş 500 mq dozada seftazidim məhlulunu metronidazol məhluluna (500 mq 100 ml-də) əlavə etmək olar və bu zaman, hər 2 preparat fərdi aktivliyini saxlayır. Hazırlanmış məhlulu 24 saat müddətində soyuducuda, yəni, 2°C-dən 8°C-ə qədər temperaturda saxlamaq olar. Bolyus vasitəsi ilə yeritmək üçün məhlulun hazırlanması 1. Tıxacı iynə vasitəsi ilə dəlmək və flakonun içərisinə müəyyən həcmdə həlledici daxil etmək lazımdır. Flakonun tıxacını dəlmək üçün istifadə olunan iynənin diametri 0,8 mm-dən artıq olmamalıdır (Geyc (G) şkalasına görə 21 G). Tıxacı iynə vasitəsi ilə qeyd olunan yerdə, düz bucaq altında göstərilən sxem üzrə deşmək lazımdır. Flakonun içərisində təzyiqin aşağı olması, həlledicinin yeridilməsini asanlaşdırır. Sonra flakonun içərisindən şprislə iynəni çıxarmaq lazımdır. 2. Flakonu möhtəviyyatı həll olunana qədər çalxalamaq lazımdır: karbon qazı xaric olunur və 1-2 dəqiqə müddətində şəffaf məhlul əmələ gəlir. 3. Flakonu başı aşağı çevirmək lazımdır. Şprisin porşenini iynə fiksatorunun qırağında saxlayaraq, flakonun tıxacını dəlmək və tələb olunan həcmi şprisin içərisinə yığmaq lazımdır (flakonun içərisində qeyd olunan yüksək təzyiq göstərilən prosesi asanlaşdırır). Havanın aspirasiyasından qaçınmaq məqsədi ilə, iynənin ucu məhlulun içərisində olmalıdır. Şprisin içərisində olan məhlulun tərkibində karbon qazının kicik qovuqcuqları ola bilər. Məhlulu bilavasitə vena daxilinə və ya pasiyentə parenteral məhlullar yeridildiyi halda, venadaxili infuziyalar üçün sistemə yeritmək olar. Seftazidimi yuxarıda göstərilən venadaxili məhlullarla birlikdə istifadə etmək olar. Venadaxili infuziyalar üçün seftazidim məhlulunun standart flakonlarda hazırlanması (mini-bag tipli qurğu və ya büret) İki mərhələ ilə əlavə edilən 50 ml həlledicidən (1 q dozada flakon üçün) istifadə etməklə, aşağıda göstərildiyi kimi hazırlamaq lazımdır: 1. Tıxacı iynə vasitəsi ilə dəlmək və 1 q dozada toz yerləşdirilən flakona 10 ml həlledici əlavə etmək lazımdır. 2. İynəni çıxarmaq və şəffaf məhlul əldə olunana qədər flakonu çalxalamaq lazımdır. 3. Toz tam həll olunmayana qədər, havanın çıxarılması məqsədi ilə ikinci iynəni daxil etmək olmaz. İkinci iynəni tıxaca, flakonun içərisində təzyiqin aşağı salınması üçün yeritmək lazımdır. 4. Həcmi ən azı 50 ml-ə çatdıraraq, məhlulu konteynerə (mini-bag tipli qurğu və ya büret) yığmaq və 15-30 dəqiqəlik venadaxili infuziya yolu ilə orqanizmə yeritmək lazımdır. Qeyd. Preparatın sterilliyinin saxlanılması üçün, preparat tam həll olunmayana qədər flakonun içərisindən havanın çıxarılması məqsədi ilə ikinci iynəni yeritmək olmaz. İstifadə olunmamış preparatı və ya onun qalıqlarını yerli qaydalara müvafiq ləğv etmək lazımdır.