Ferdalin er 75 mq N10 tablet

FERDALİN ER, örtüklü tabletlər

Ferdalin Er tərkibi

Təsiredici maddə: 1 tabletin tərkibində 75 mq eperizon hidroxlorid vardır.
Köməkçi maddələr: mikrokristallik sellüloza, hipromelloza 2208, natrium nişasta qlikolyat, limon turşusu hidrat, kolloidal silisium dioksid, maqnezium stearat, ağ opadri 03B28796 (hipromelloza 2910, titan dioksid, polietilenqlikol 400).

Əks göstərişlər:
Preparatın komponentlərinə qarşı yüksək həssaslıq, miasteniya, hamiləlik və laktasiya dövrü, kəskin qaraciyər çatışmazlığı hallarında istifadəsi qadağandır.

Hamiləlik və laktasiya dövründə istifadəsi:
Hamiləlik zamanı təhlükəsizliyi təsdiqlənmədiyindən istifadəsi tövsiyə edilmir. Süd verən analarda qəbul zamanı uşaq üçün risk ola biləcəyi üçün müalicə dövründə ana südü ilə qidalanma dayandırılmalıdır.

Ferdalin Er istifadə qaydası, dozası

FERDALİN ER tabletləri təsiredici maddəni tədricən azad edir, ona görə də bütöv halda qəbul olunmalı, qırılmamalı və çeynənməməlidir. Böyüklər üçün adi doza gündə 2 dəfə yeməkdən sonra 1 tablet (75 mq) şəklindədir. Pasiyentin yaşına və klinik vəziyyətinə görə doza həkim tərəfindən tənzimlənə bilər.

Əlavə təsirləri:
Nadir hallarda şok və anafilaktik reaksiyalar, səpgi, qaşınma, ödem, təngnəfəslik müşahidə edilə bilər. Bəzi hallarda ciddi dəri reaksiyaları – Stivens-Conson sindromu və ya Layell sindromu mümkündür. Mədə-bağırsaq pozğunluqları (ürəkbulanma, qusma, qarında diskomfort, diareya və ya qəbizlik), sinir sistemi ilə bağlı hallar (başağrısı, yuxululuq, başgicəllənmə) müşahidə edilə bilər. Qaraciyər funksiyasına təsir edərək ALT, AST və ALP səviyyələrində yüksəlmə mümkündür. Sidik yollarında ləngimə və ya sidikqaçırma qeydə alına bilər. Ümumi əlamətlər kimi asteniyə, zəiflik, tərləmə və hipotoniya görülə bilər. Klinik tədqiqatlarda başgicəllənmə ən çox rastlanan əlavə təsir olmuşdur.

Buraxılış forması:
10 tablet, blisterdə. 1 blister içlik vərəqə ilə birlikdə karton qutuya qablaşdırılır.

Saxlanma şəraiti:
30°C-dən yuxarı olmayan temperaturda, işıqdan qorunaraq və uşaqların əli çatmayan yerdə saxlanmalıdır.

Yararlılıq müddəti:
Qablaşdırmada göstərilən tarixdən sonra istifadə olunmamalıdır.

Aptekdən buraxılma şərti:
Resept əsasında buraxılır.

İstehsalçı:
Aju Pharm Co., Ltd. 23 Sandan-ro, 121 beon-gil, Pyeongtaek-si, Gyeonggi, Koreya.