İndometasin Sofarma 100 Mq N6 Şam

İndometasin Sofarma, 100 mq şamlar

İndometasin Sofarma, beynəlxalq patentləşdirilməmiş adı: Indometacin

İndometasin Sofarma tərkibi

Təsiredici maddə: 1 şamın tərkibində 100 mq indometasin vardır.

İstifadəsinə göstərişlər

Revmatoid artrit, kəskin və kəskinləşmiş yuvenil artrit, ankilozlaşdırıcı spondiloartrit, podaqra artriti, psoriatik artrit, Reyter xəstəliyi, tendinitlər, bursitlər, travmalar, diskopatiya, pleksitlər, radikulonevritlər, dismenoreya və s. iltihabi-degenerativ xəstəliklərdə simptomatik və qısamüddətli müalicə məqsədilə istifadə olunur.

Əks göstərişlər

Təsiredici və ya köməkçi maddələrə qarşı yüksək həssaslıq; aspirin və digər QSİƏP-lərə qarşı həssaslıq; mədə və 12-barmaq bağırsaq xora və ya qanaxma; QSİƏP-lərlə bağlı keçmişdə mədə-bağırsaq qanaxmaları; ağır ürək, qaraciyər və böyrək çatışmazlığı; babasil, anal çatlar, proktitlər; hamiləliyin son trimestri və laktasiya; 14 yaşdan kiçik uşaqlar.

Hamiləlik və laktasiya dövründə istifadəsi

Hamiləliyin son 3 ayında və laktasiya dövründə istifadəsi qadağandır.

Pediatriyada istifadəsi

14 yaşdan kiçik uşaqlarda istifadəsi əks göstərişdir.

Nəqliyyat vasitələrini və digər potensial təhlükəli mexanizmləri idarəetmə qabiliyyətinə təsiri

Qulaqlarda küy, başgicəllənmə, yuxululuq, görmə və eşitmə pozğunluqları törədə bilər. Belə təsirlər olduqda nəqliyyat vasitələrinin və digər təhlükəli mexanizmlərin idarəsi zamanı ehtiyatlı olmaq lazımdır.

İndometasin Sofarma istifadə qaydası

Rektal istifadə edilir. Böyüklər və 14 yaşdan yuxarı uşaqlarda: gündə 1 dəfə 1 şam (100 mq). Maksimum doza 150–200 mq-a çatarsa əlavə təsirlər riski artır. 65 yaşdan yuxarı şəxslərdə minimal doza və qısa müalicə müddəti tövsiyə olunur. Müalicə müddəti 7 gündən artıq olmamalıdır.