İndometasin sofarma 25 mq N30 tablet

İNDOMETASİN SOFARMA, 25 mq bağırsaqda həll olan tabletlər

İNDOMETASİN SOFARMA tərkibi

İNDOMETASİN SOFARMA tərkibi, 1 tabletin tərkibində 25 mq indometasin vardır

İndometasin Sofarma, istifadəsinə göstərişlər

Müxtəlif mənşəli ağrılar, iltihabi və revmatik xəstəliklərdə (artritlər, osteoartrit, spondilit, podaqra və s.) ağrıkəsici, iltihabəleyhinə və hərarətsalıcı kimi istifadə olunur. İndometasin Sofarma preparatı yalnız həkim təyinatı ilə və onun göstərişi əsasında qəbul olunmalıdır.

Əks göstərişlər

Preparatın təsiredici maddəsinə və ya köməkçi maddələrinə qarşı yüksək həssaslıq, asetilsalisil turşusuna və digər qeyri-steroid iltihabəleyhinə preparatlara qarşı yüksək həssaslıq və onların yaratdığı astma, övrə, mədə və onikibarmaq bağırsaq xorası, qanaxma tarixi, ağır ürək, qaraciyər və böyrək çatışmazlığı, hamiləlik (xüsusilə son 3 ay), laktasiya dövrü, 14 yaşdan aşağı uşaqlar.

Hamiləlik və laktasiya dövründə istifadəsi

Hamiləlik (xüsusilə son trimestrdə) və laktasiya dövründə preparatın istifadəsi əks göstərişdir. İstənilən dərman qəbulundan əvvəl həkimlə və ya əczaçı ilə məsləhətləşmək tövsiyə olunur.

İstifadə qaydası və dozası

Doza və müddət həkim tərəfindən müəyyən olunur. 14 yaşdan yuxarı uşaqlar və böyüklər üçün başlanğıc doza gündə 2–4 dəfə 25–50 mq təşkil edir. Maksimal doza – gündə 200 mq. Uzunmüddətli istifadədə 75 mq-dan çox olmamalıdır. Kəskin podaqra zamanı: başlanğıc doza 100 mq, daha sonra gündə 3 dəfə 50 mq. Yaşlılarda əlavə təsirlər riski yüksəkdir, minimal effektiv doza ilə qısa müddətli istifadə tövsiyə olunur. Tabletlər yeməkdən sonra bütöv şəkildə, su ilə qəbul edilməlidir.