Ketonal 2.5 % 50 Qr Gel

KETONAL, gel

KETONAL tərkibi

KETONAL tərkibi, 1 q gelin tərkibində 25 mq ketoprofen vardır

Ketonal, istifadəsinə göstərişlər

Ketonal gel simptomatik yerli istifadə üçün göstərişdir: revmatik xəstəliklər zamanı ağrı və oynaqlarda iltihab, posttravmatik ağrı halları.

Əks göstərişlər

Ketoprofenə və ya gelin hər hansı köməkçi vasitələrinə qarşı hiperhəssaslıq, tiaprofen turşusuna, fenofibrata, UB-blokadaedicilərə və ya ətirlərə qarşı dərinin allergik reaksiyaları, işığa qarşı həssaslıq, asetilsalisil turşusuna və digər qeyri-steroid vasitələrə qarşı hiperhəssaslıq reaksiyaları, dərinin zədələnməsi (ekzema, civzə, dermatozlar), açıq yaralar, infeksion zədələnmələr, hamiləliyin 3-cü trimestri, 15 yaşdan kiçik uşaqlarda və yeniyetmələrdə istifadəsi, selikli qişalar və göz ətrafı ilə təmas, müalicə zamanı və sonra 2 həftə ərzində günəş şüalarına məruz qalma.

Hamiləlik və laktasiya dövründə istifadəsi

Ketonal gelin hamiləliyin 1-ci və 2-ci trimestrində istifadəsindən çəkinmək lazımdır. Hamiləliyin 3-cü trimestrində istifadəsi əks göstərişdir. Laktasiya dövründə preparatın istifadəsi məsləhət görülmür.

İstifadə qaydası və dozası

Ketonal gel yalnız dəridə istifadə üçündür. Böyüklər və 15 yaşdan yuxarı yeniyetmələr: gündə 1–2 dəfə zədələnmiş sahəyə gel çəkilir və yüngülcə dəriyə sürtülür. 5 sm gel – 100 mq, 10 sm gel – 200 mq ketoprofenə uyğundur. Selikli qişalarla və gözlərlə təmasdan çəkinilməlidir. Gel istifadə olunan sahəyə sıx sarğı qoymaq olmaz. Əllər istifadədən sonra yuyulmalıdır. Maksimal gündəlik doza 200 mq ketoprofen təşkil edir. Yaşlılarda ən kiçik effektiv doza tövsiyə olunur. 15 yaşdan kiçik uşaqlarda istifadəsi olmaz. Unudulan doza növbəti vaxtında istifadə edilməlidir, ikiqat doza olmaz.