Ketonal Duo 150 mq N30 tablet

Ketonal Duo, 150 mq kapsullar

Ketonal Duo, beynəlxalq patentləşdirilməmiş adı: Ketoprofen

Ketonal Duo tərkibi

Təsiredici maddə: 1 kapsulun tərkibində 150 mq ketoprofen (modifikasiya olunmuş formada) vardır.

İstifadəsinə göstərişlər

Revmatoid artrit, seroloji neqativ spondiloartrit, podaqra və psevdopodaqra, osteoartrit, oynaqdankənar revmatizm (tendinit, bursit), əməliyyatsonrası ağrı, birincili dismenoreya, sümük metastazları ilə əlaqəli ağrı, post-travmatik ağrı hallarında istifadə olunur.

Əks göstərişlər

Ketoprofene və ya tərkibindəki digər maddələrə qarşı yüksək həssaslıq; QSİƏP və salisilatlara qarşı allergik reaksiyalar; ağır ürək çatışmazlığı; peptik xora və mədə-bağırsaq qanaxması; hemorragik diatez; ağır böyrək və qaraciyər çatışmazlığı; hamiləliyin üçüncü trimestri.

Hamiləlik və laktasiya dövründə istifadəsi

Hamiləliyin ilk və ikinci trimestrində yalnız ciddi göstəriş olduqda istifadə edilir. Üçüncü trimestrdə istifadəsi əks göstərişdir. Laktasiya dövründə istifadəsi tövsiyə olunmur.

Pediatriyada istifadəsi

15 yaşa qədər uşaqlarda və yeniyetmələrdə istifadəsi əks göstərişdir.

Nəqliyyat vasitələrini və digər potensial təhlükəli mexanizmləri idarəetmə qabiliyyətinə təsiri

Yuxululuq, qıcolmalar, başgicəllənmə halları yarandıqda nəqliyyat vasitələrinin və potensial təhlükəli mexanizmlərin idarəsi tövsiyə olunmur.

Ketonal Duo istifadə qaydası

Kapsul bütöv şəkildə, çeynəmədən, su ilə qəbul edilir. Böyüklər və 15 yaşdan yuxarı şəxslər üçün gündə 1 kapsul (150 mq) qəbul edilir. Maksimal sutkalıq doza – 200 mq. Yaşlılarda doza azaldılmasa da, ehtiyatla istifadə olunmalıdır. 15 yaşdan kiçik uşaqlarda istifadə olunmur.