Klavera Bid 1000 N14 tablet

CLAVERA BID, örtüklü tabletlər

Clavera, beynəlxalq patentləşdirilməmiş adı: Amoxicilline/Clavulanic acid.

CLAVERA BID tərkibi

Təsiredici maddə: 1 tabletin tərkibində 875 mq amoksisillin (amoksisillin trihidrat şəklində), 125 mq klavulan turşusu (kalium klavulanat şəklində) vardır.

CLAVERA BID, istifadəsinə göstərişlər

Amoksisillinə davamlı beta-laktamazalar hasil edən ştamlar tərəfindən törənən aşağıdakı infeksiyaların qısamüddətli müalicəsində:
– Yuxarı tənəffüs yolları: tonzillit, sinusit, otit
– Aşağı tənəffüs yolları: bronxit, pnevmoniya
– Sidik-cinsiyyət yolları: sistit, uretrit, pielonefrit, qadın cinsi orqanlarının infeksiyaları
– Dəri və yumşaq toxumalar, sümük-oynaq infeksiyaları
– Odontogen infeksiyalar
– Septik abort, doğuşdan sonrakı qızdırma, intra-abdominal sepsis

Əks göstərişlər

Penisillin və sefalosporinlərə qarşı yüksək həssaslıq, anamnezdə sarılıq və ya qaraciyər çatışmazlığı.

Hamiləlik və laktasiya dövründə istifadəsi

Yalnız zəruri hallarda, xüsusilə birinci trimestrdə istifadə olunmalıdır. Hər iki komponent ana südünə keçir – laktasiya dövründə yalnız fayda/risk nisbətinə əsasən istifadəsinə icazə verilir.

CLAVERA BID, istifadə qaydası

Böyüklər və 12 yaşdan yuxarı uşaqlar:
– Yüngül və orta infeksiyalar: gündə 2 dəfə 625 mq
– Ağır infeksiyalar: gündə 2 dəfə 1000 mq
– Odontogen infeksiyalar: gündə 2 dəfə 625 mq, 5 gün ərzində
Tabletlər çeynənmədən, bütöv udulmalıdır, yeməkdən əvvəl qəbul məsləhətlidir. Müalicə 14 günü keçməməlidir.

Əlavə təsirləri

Tez-tez: diareya, ürəkbulanma, qusma
Bəzən: baş ağrısı, başgicəllənmə, səpgilər, övrə, qaşınma
Nadir: qıcolmalar, hepatit, xolestatik sarılıq, interstisial nefrit
Çox nadir: Stivens-Conson sindromu, toksik epidermal nekroliz, anafilaksiya