Ksefokam Rapid 8 Mq N6 Tablet

КSЕFОКАМ RAPİD, örtüklü  tabletlər  

Ksefokam Rapid tərkibi

  Təsiredici maddə:  1 tabletin  tərkibində  8 mq  lornoksikam vardır.  Köməkçi maddələr: kalsium stearat, hidroksipropilsellüloza, natrium hidrokarbonat,   mikrokristallik sellüloza, bir  əvəzli  hidroksipropilsellüloza, susuz   kalsium hidrofosfat. Örtük:  propilenqlikol, titan diоksid, talk, hipromelloza

İstifadəsinə göstərişlər:

 Yüngül və orta  dərəcəli   kəskin  ağrıların qısamüddətli müalicəsi.

Əks göstərişlər:

 • Lornoksikama və digər komponentlərdən hər hansı birinə qarşı yüksək həssaslıq  • anamnezdə bronxial astma, övrə və rinit • trombositopeniya • digər QSİƏP-ə, o cümlədən asetilsalisil turşusuna, qarşı yüksək həssaslıq (belə simptomlar kimi, bronxial astma, rinit, angionevrotik ödem və ya övrə) • ağır ürək çatışmazlığı  • mədə - bağırsaq,  serebrovaskulyar və digər qanaxmalar və ya qanaxmalara şübhə, qanın laxtalanma sisteminin pozulması • mədə və 12-barmaq bağırsağın kəskinləşmə fazasında xora xəstəliyi, anamnezdə QSİƏPın qəbulu ilə əlaqədar olan mədə - bağırsaq qanaxmaları • ağır qaraciyər çatışmazlığı  • ağır böyrək çatışmazlığı (zərdab kreatininin səviyyəsi 700 mkmol/l-dən  yuxarı) • 18 yaşına çatmayan  uşaq və yeniyetmə xəstələr  • Hamiləliyin  İİİ-cü trimestri.

Hamiləlik və laktasiya dövründə istifadəsi:

  Kifayət qədər klinik təcrübənin olmadığı üçün Ksefokam Rapid preparatı hamiləlik zamanı və laktasiya dövründə istifadə edilməməlidir. 

Ksefokam Rapid istifadə qaydası, dozası

  8-16mq dozalarda  daxilə təyin olunur. Müalicənin birinci günü 16mq başlanğıc dozada daxilə təyin edilir, sonra isə gündə hər 12  saatdan bir  8mq dozada təyin edilir. Sonrakı müddət üçün 8 mq 2 dəfə sutkada təyin edilir. Maksimal sutkalıq doza – 16mq. Ksefokam Rapid tabletləri daxilə yeməkdən əvvəl  maye ilə qəbul etmək  lazımdır.