LEVOFAR 500MG N10 TB

ANALGİN, inyeksiya üçün məhlul

Analgin tərkibi 

Təsiredici maddə:1 ml məhlulun tərkibində 500 mq metamizol natrium vardır. Köməkçi maddələr: natrium metabisulfit (E 223), dinatrium edetat, natrium formaldehid sulfoksilat, natrium hidroksid, inyeksiya üçün su.

İstifadəsinə göstərişlər:

 Müxtəlif mənşəli və lokalizasiyalı (başağrı, diş ağrısı, yanıqlar, əməliyyatdan sonrakı dövrdə ağrı, dismenoreya, artralgiya, nevralgiya, radikulit, miozit); hipertermik sindrom, qızdırma sindromu (qrip, kəskin respirator və digər infeksiyalar zamanı); böyrək və qaraciyər sancısı (spazmolitik vasitələrlə kombinasiyada).

Əks göstərişlər:

 Preparatın istənilən komponentinə qarşı yüksək həssaslıq. Asetilsalisil turşusu ilə əlaqədar olan bronxial astma tutmaları. Qanyaranmanın pozulması (aqranulositoz, sitostatik və ya infeksion neytropeniya). Qaraciyər və böyrək çatışmazlığı. Qkükozo-6-fosfat dehidrogenazanın çatışmazlığı ilə əlaqədar olan irsi hemolitik anemiya. Kəskin cərrahi patologiyaya şübhə olduqda. Anemiya, leykopeniya. Böyrək xəstəlikləri: piolenefrit, qlomerulonefrit, o cümlədən, anamnezdə. Sistolik arterial təzyiqi 100 mm civə sütunundan az olan pasiyentlərə preparatı venadaxili yeritmək olmaz. Politravmalar. Şok. Porfiriya.

Hamiləlik və laktasiya dövründə istifadəsi:

 Hamiləlik dövründə preparatın istifadəsi əks göstərişdir (xüsusilə I trimestr və son 6 ay ərzində). Müalicə dövründə ana südü ilə qidalandırmanı dayandırmaq lazımdır, belə ki, metamizol natrium ana südünə nüfuz edir.

Analgin istifadə qaydası, dozası

 Əzələdaxili və şırnaq üsulu ilə venadaxili yeridilir. Yeridilmə üsulu və doza xəstəliyin ağırlığından asılıdır və fərdi müəyyən edilir. Ağrıkəsici effekt əzələdaxili yeridilmədən fərqli olaraq, venadaxili yeridilmə zamanı daha yüksəkdir. Yeridilən məhlul bədən temperaturunda olmalıdır. Arterial təzyiqin kəskin düşməsinin qarşısını almaq məqsədilə venadaxili yeridilmə ləng aparılmalıdır (1 ml/dəqiqədən artıq olmayan sürətlə), pasiyent uzanmış vəziyyətdə, arterial təzyiqə, ürək yığılmalarının tezliyinə və tənəffüsə nəzarət etmək vacibdir. Prosedur şokəleyhinə müalicənin aparılması üçün şəraitin olmasını tələb edir. Venadaxili yeridilmə zamanı uzun iynədən istifadə edilməsi vacibdir. Böyüklərə metamizol sutkada 2-3 dəfə 0,5-1 ml (250-500 mq) təyin edilir. Hər iki yeridilmə üsulunda maksimal birdəfəlik doza 1 ml (500 mq), sutkalıq 2 ml (1 q) təşkil edir. 1 yaşa qədər uşaqlara bədən çəkisinə görə 0,01 ml/kq təyin edilir. 1 yaşa qədər uşaqlara preparat, yalnız əzələdaxili yeridilir. İstifadə müddəti 3 gün təşkil edir. 1 yaşdan yuxarı uşaqlarda preparat sutkada 1-2 dəfə hər yaş üçün 0,1 ml istifadə edilir. İstifadə müddəti 3 gündür. Uşaqlar 1 yaşa qədər uşaqlara preparat, yalnız əzələdaxili yeridilir. Uşaqlarda həkim nəzarəti altında və ciddi və həyati göstərişlər olduqda istifadə edilir.